خالد 1

الفصل الأول

فبراير 2010

ذلك العام من اهم الاعوام فى حياتها هى الان فى الثانوية العامه لابد ان تحصل على درجات كبيره لتنال رضا والدها لطالما يوبخها على الصغيره قبل الكبيره كان يريد بنين ولكن الله لم يرزقه سوى بها فقط وشاء الله الا تنجب زوجته مره اخرى فكر كثيرا ان يتزوج لكى ينجب الصبى الذى يريده ولكن سلطان عائله زوجته من يمنعه من الاقتراب لتلك المنطقه هى (فرحه السيد منصور) فتاه رقيقه تنثر بحق فرحه على من حولها متوسطة القامه ذات عينان زرقاء بلون السماء فوالدتها من اصول تركيه وورثت منها ذلك الجمال التركى غير محجبه والدتها السيده ميرفت تعتقد ان الحجاب شئ رجعى كانت فرحه تريد ان تتحجب مثل كثير من صديقاتها ولكن والدتها كانت تنهرها بشده وتخبرها ان تنسى ذلك الامر تماما.

فى فيلا السيد منصور

داده فاطمه سيده فى العقد الخامس من عمرها وهى المسؤله عن كل مايخص فرحه

-قومى يافرحه يابنتى هاتتاخرى على المدرسه

قالتها فاطمه وهى تفتح الستائر لكى تتيح للشمس بان تدخل غرفة فرحه.

فرحه وهى تتململ فى الفراش بتكاسل

-الجو برد اوى ياداده عاوزه اكمل نوم

نظرت لها فاطمه بحزن لانها تدرى ان والدها سيعنفها ان لم تستيقظ للذهاب الى مدرستها.

-يابنتى قومى باباكى لو عرف انك مارحتيش المدرسه هايزعق ويعمل حكايه

نهضت فرحه من الفراش ونظرت لفاطمه بحزن قائله

-طب وايه الجديد ماهو على طول بيزعق على طول شايفنى غلط على طول انا مش صح من وجهة نظره

فاطمه وهى تحاول ان تداعبها وتخفف عنها

-يابنتى كل الابهات كده قومى يالا على مااحضر لك الفطار

تلك السنه ايضا هامه بالنسبة له كثيرا فهى السنة الاخيره من كلية الصيدله سيتخرج ويعمل حتى يريح والده الذى انهكه العمل كسائق عند احد الاثرياء وهو السيد منصور والد فرحه كان انه (خالد فتحى الرواى) شاب وسيم بحق له الكثير من المعجبات فى الجامعه ولكنه يركز على هدف واحد فقط وهو النجاح فى دراسته وعمله هو يعمل ايضا فى احدى الصدليات الخاصه كما ان والده يمتلك باص صغير احيانا يعمل عليه حين يسمح له وقته.

فى بيت فتحى الرواى

عزه والدة خالد سيده فى العقد الخامس من عمرها تتسم بهدوئها وطباعها الطيبه

-قوم ياخالد يابنى الفطار جاهز عشان تلحق كليتك

خالد وهو ينهض ويقبل يد والده

-قومت اهو ياست الكل بابا قام ولا لسه

عزه وهى ترتب فراش خالد

-لا ياحبيبى صحيته كام مره مارداش يصحى

خالد بحيره وتوتر

-ليكون عيان ياماما غريبه يعنى دا مش بيحب يتأخر عن شغله ابدا هاروح اشوفه كده

ذهب خالد مسرعا لغرفة والده لكى يوقظه

-بابا اصحى هتتأخر على شغلك

فتحى رجل فى اواخر العقد الخامس من عمره رجل بمعنى الكلمه يعمل فى اكثر من اتجاه لكى يوفر حياه كريمه الاولاده الثلاثه خالد وعمر وشريف خالد اكبرهم وعمر فى السنة الاولى من كلية التجاره وشريف فى الصف الثانى الثانوى.

فتحى بتململ وهو يأن

-باين كده ياخالد يابنى اخدت برد

خالد بتوتر

-طيب خليك ياحاج النهارده ماتخرجش وانا هاجيبلك دوا هايريحك خالص

فتحى وهو يحاول النهوض

-يابنى هتأخر على الشغل وانت عارف الاستاذ سيد مابيحبش حد يغيب من الشغل وانا بوصل بنته مدرستها كده هتتأخر وممكن الراجل يرفدنى

خالد وقد بدت عليه علامات الغضب

-ياحاج انا قلت لك الف مره سيب الشغل عند الرجل ده وكفايه علينا الميكروباص وربنا بيرزق

امسك فتحى خالد من ذراعيه بحنان قائلا

-لو اطول اشتغى شغلانه تانيه كمان هاشتغل بس ماتحسوش بنقص وانكوا محتاجين الميكروباص يدوب بيكفى مصاريف البيت وشغل عند الاستاذ سيد بشيله لمصاريف دراستكم

خالد متنهدا هو يعلم ان والده لن يريح نفسه اطلاقا ولن يترك العمل عند السيد منصور

-طيب خلاص خليك النهارده وانا هاشتغل مكانك هاروح اودى انا بنته مدرستها واجيبها

كان فتحى بحق متعب وجميع انحاء جسده تؤلمه لذا وافق على عرض ابنه خالد دون تردد

-طيب انا موافق لانى بجد تعبانى بس هاكلم الاستاذ سيد اعرف انك انت اللى هاتروح

خالد متمتما برضا

-تمام ياحاج فتحى كلمه وانا هاروح اجهز

تحدث فتحى الى السيد منصور وابلغه انه يمر بوعكه صحيه وان ابنه سيحل محله فى العمل اليوم وافق السيد منصور بعد ان تأكد منه انه ابنه يجيد القياده.

تجهز خالد لكى يذهب الى بيت السيد منصور ليقوم بعمل والده اليوم وذلك بعد ان اعطى والده مجموعه ادويه للبرد واخبره الا يقوم باى مجهود اليوم.

فى بيت السيد منصور

هبطت فرحه الى الاسفل لكى تتناول طعام فطورها مع والدها ووالدتها وجدتهم بانتظارها على مائدة الطعام.

فرحه وهى تجلس على مقعدها المخصص لها

-صباح الخير يابابى صباح الخير يامامى

نظر لها السيد بغضب قائلا

-اتأخرتى كده ليه مش عارف اننا بستناكى على الفطار بطلى بقى الاهمال اللى انتى فيه ده واتعودى تحترمى مواعيدك

فرحه وهى تنظر لوالدها بحزن

-انا ماتأخرتش كتير يابابى كنت اكلتوا على ماانزل

السيد وهو ينظر لها بغضب

-مش بقولك مستهتره هاتفضلى طول عمرك كده اعملى حسابك لو ماجبتيش مجموع السنه دى كبير هايكون ليكى موقف صعب

ميرفت وهى تحاول ان تخفف الاجواء

-فرحه بتذاكر حلو ياسيد اطمن هاتكون من المتفوقين ان شاء الله

فرحه وهو تنهض من على المائده

-الحمدلله انا شبعت هامشى بقى زمان عم فتحى جه

ميرفت وهى تنظر لابنتها بحزن فهى لم تأكل شئ

-كلى ياحبيبتى انتى مأكلتيش اى حاجه

فرحه وهى تخبأ دموعها من والدتها

-هابقى اكل فى المدرسه يامامى

السيد وهو يأكل غير مهتم بفرحه التى لم تأكل اى شئ

-فتحى مش جاى النهارده تعبان ابنه اللى هايجى يوصلك بعرفك

فرحه :حاضر يابابى مع السلامه