لا صدقي و هتكلم معاه علشان ميحاولش يقرب منك هناك هتكوني فى امان عاوزه تعيشي كده باقي حياتك ولا ايه فكري فى فريدة.
سارت عدة خطوات لتغادر و دموعها تهبط على وجهها بغزارة:
إنت مين انا معرفش إنت مين للأسف ابعد عني ابعد عني.
وقف أمامها كي يمنعها من المغادرة:
تعالي معايا قلت متخافيش.
كانت تصرخ بصوت مرتفع وهى تتوسله كي يبتعد عنها:
لأ لأ لأ ابعد عني ابعد عني.
وجدها تقف أمامه لم ينتبه لها لتهتف بحدة و غضب:
ابعد عنها انت اتجننت عاوز منها إيه.
نظر لها بسخرية و برود:
مالكيش دعوه انتي ولو عاوزاها وماله تعالي معاها تلزمي شفيق إنتي كمان.
لا تعلم كيف وقفت أمامه هكذا بعد كل ما فعله معها لكنها لن تسمح له بهزيمتها مره أخرى:
انت بجد مجنون مش هسمحلك تقرب لها إنت واحد أناني وهتخسر فى الاخر.
ابتعدت علياء وعادت للسيارة مره أخرى تضم ابنتها بخوف لتمسح فريدة دموعها بيدها الصغيرة وتقبلها على وجهها:
أنا مش بحب بابا و مش هتكلم معاه تاني علشان هو زعلك.
لم تجبها لتغلق باب السيارة جيدا وتشاهد هذا الشخص الذي أصبح شخصا آخر بينما كان جسار متفاجئا من هجوم فاطيما لم يتوقع أن تقف أمامه مرة أخرى:
لا والله ومين هيمنعنى إني أخدها وامشي إنتي مثلا.
تنهدت بغضب و أجابته:
أيوه انا لو مبعدتش هبلغ البوليس و اتهمك بمحاولة خطف.
أجابها بسخرية و استفزاز:
وماله بلغي علشان يجيوا ياخدوها هى وفريده و يسلموها لشفيق و يبقى وفرتي عليا حوار كبير.
هتهمك بالتزوير و محاولة خطفي اللى اتعرضت لها ايه رايك.
اقترب من السيارة ليدق على زجاج الباب:
اعملى ما بدالك ميهمنيش ومش هتقدرى تعملي حاجه ولا تثبتي حاجه .. يلا يا علياء فريدة فريدة تعالي يا حبيبتي يلا هنمشي.
هتفت بحدة وصوت مرتفع وهي تمنعه من فتح باب السيارة وهى تشاهد خوف علياء الشديد:
قولتلك مش هيتحركوا معاك خطوه واحده والافضل تبعد والا هصر خ وأقول إنك بتحاول تخطف فريده.
قولتلك اعملي ما بدالك أنا مش بتهدد و مش بخاف اوعي من وشي.
بدأت تصرخ بقوه وتطلب المساعدة من المارة بالطريق ليقتربوا منهم ليض ربه أحد الأشخاص بسبب تعرضه لهم لتغادر مسرعة متجه للفيلا الخاصة بوالديها كانت نظيفة من يراها يظن أن بها سكان مقيمين فيها لأن الخدم يحضرون يوما فى الأسبوع ويقومون بتنظيفها اتجهت علياء لإحدى الغرف وكانت تفكر فيما حدث لم تتوقع أبدا أن يقوم جسار بالتخلي عنها نعم لقد تأكدت من هذه المقوله احذر من الغريب مرة و القريب ألف مرة لقد وقفوا معها رغم تحديها لهم فى السابق بينما من ظنت أنه سندها هو أول يد قامت بطع نها لتنام بسبب إرهاقها من أحداث اليوم.
في المزرعة كان الوضع مختلفا خاصة مع وصول قوة الشرطة برفقة شفيق لتفتيش المكان و البحث عن علياء و ابنتها ليصل المحامي و عمر فى هذا الوقت كانت بينهم نظرات غاضبه.
هتف الضابط بهدوء وجدية بعد أن فتحت له سمية:
مساء الخير.
رد عليه عزت بهدوء:
مساء الخير ايوه يا حضرة الضابط خير.
ليخرج ورقه من جيبه و يفتحها له:
أستاذ عزت معايا أمر بتفتيش المزرعه هنا اتمنى تساعدونى اخلص شغلي في هدوء وامشي.
سمية بحذر و كأنها لا تعلم سبب وجودهم فى المكان:
ممكن نعرف ايه السبب طيب.
أجابها بجدية و احترام:
بندور على مدام علياء وبنتها فريده حفيدة الأستاذ شفيق اللى مقدم البلاغ.
تحدث عزت بجدية شديدة وهو ينظر لشفيق:
طيب إحنا إيه علاقتنا مش فاهم.
الضابط بجدية:
الأستاذ شفيق بيتهم حضرتكم بأنكم خاطفين حفيدته وأمها وقدم بلاغ بكده وجالنا أمر بالتفتيش بناءا على طلبه وان في حد شافهم معاكم ف لو سمحت خلينا نقوم بشغلنا ف هدوء ونمشي.
هتف شفيق بغيظ وغضب من هدوئهم:
يعني مش عارفين إيه علاقتكم خط فينهم و رافضين تسيبوهم انا مش عارف انتم عايزين منى ايه انا وأولادي لو سمحت يا حضرة الظابط شوف شغلك احنا مش جايين نتناقش دوروا بسرعه قبل ما يهربوهم.
هتف المحامي متدخلا لمنع التشاجر بينهم:
عزت باشا خليهم يشوفوا شغلهم حضرتك ف السليم وده بلاغ كيدي اطمن هنعرف نرد عليه.
عمر بغيظ و غضب بسبب وجود شفيق:
أظن هو اخر واحد ممكن يتهمنا كفاية إنها هربت بسببه و مش عارفين مكانها.
ليجيبه بسخرية واتهام صريح لشقيقته:
هربت بسببي انا برده ولا بسبب واحد اللى هربها و هربت معاه هي متلزمنيش أنا عايز حفيدتي وهي عايزه تعيش مع بنتها تعيش مش عايزه يبقى براحتها تروح تشوف حياتها وتسيب حفيدتي بنت الغالي.
تدخل نبيل مرة أخرى لإنهاء الأمر لأنه يعلم جيدا أن شفيق يريد استفزازهم:
عمر باشا لوسمحت بلاش تعلق معاه مش وقت خلافاتنا دي خلي حضرة الظابط يشوف شغله.
ليشير عمر له بغضب شديد متجاهلا وجود الشرطه:
كلمة زيادة عن اختي و هتندم صدقني انت اخر واحد ممكن تتكلم عنها.
سمية وهى تقترب من عمر و تهدأه:
عمر اسكت بلاش ترد عليه كلنا عارفين علياء كويس خليه يتكلم براحته.
عزت بجدية وهو يسمح لهم بالدخول لتفتيش المنزل:
اتفضل فتش يا حضرة الضابط.
شفيق وهو يحدث عمر بغضب شديد:
إنت بتهددنى شكلك نسيت نفسك ونسيت أنا أبقى مين واختك دي هتدفع تمن القديم والجديد صدقنى هتندم أنا عايز حفيدتي هما عارفين مكانها.
الضابط بتنهيده و يأس مما يحدث أمامه:
يا جماعه كده مش هينفع لو سمحت خلينا نشوف شغلنا فى هدوء والا هنضطر للقوة.
سمحت سمية لهم بالدخول لتفتيش المنزل ليصعد عمر معهم:
اتفضل يا حضرة الضابط مع إنك مش هتلاقي حاجه هنا.
بدأوا بالتفتيش و رفض عزت دخول شفيق للداخل وكان معه نبيل بعد وقت قليل هبطوا للأسفل بعد أن قاموا بتفتيش المكان من الداخل و الخارج أيضا.
ليهتف أحد العساكر بهدوء:
مفيش حاجه يا فندم.
تمام اسبقونى على بره .. أظن كده عملنا اللى علينا يا استاذ شفيق بنعتذر يا عزت باشا على الازعاج بس ده شغلنا.
هتف الضابط بهذا الحديث بهدوء ثم أكمل حديثه مع شفيق الذى هتف بغضب و تهديد:
يعني إيه مفيش حد دوروا كويس .. انتم اكيد هربتوهم وديتوهم فين انطقوا.
عمر بجدية و حده:
انت المسؤول عن اختفائهم وهتدفع التمن قريب.
تدخل نبيل ليهتف وهو ينظر ل شفيق:
أظن الظابط فتش هنا و في الفيلا مش لاقاهم دور عليهم فى مكان تاني.
عزت وهو يجيب الضابط بجدية:
مفيش أي إزعاج وأظن حضرتك فتشت بنفسك المكان علشان أي تجاوز منه بعد كده مش هقبله.
الضابط وهو يغادر بعد ذهاب العساكر:
تمام عن اذنكم.
ليهتف شفيق بتهديد بعد رحيل الضابط: