مضطر اسيبكم علشان عندي اجتماعات مهمه فى الشركة و هروح اجيب فاطيما من المطار.
ميرا وهي تتجه للمطبخ لتحضر لهم وجبة خفيفة:
يلا يا علياء افطري و ارتاحي شوية.
لتقترب من فريدة كي تأخذها من زين:
لأ ماليش نفس هطلع ارتاح شويه يلا يا فريدة شكرا جدا على تعبكم معايا النهارده عن اذنكم.
فريدة وهى ترفض الذهاب معها:
ماما أنا هروح مع بابا.
لا تريد الآن شيئا سوى اختفاء زين من أمامها حتي لا ترتكب جريمة حقا:
لأ يا فريدة لأ يا حبيبتي وقولت ده مش بابا خلينا نطلع نرتاح بقى يلا.
ميرا وهى قادمة من المطبخ ومعها القهوة و كوب حليب ل فريدة:
طيب أنا هرتاح انا كمان علشان تعبانه اوى و بعدين نجهز الغدا سوا.
فريدة وهى تمسك يد زين بقوة كي لا يتركها:
بس أنا مش عايزه ارتاح عايزه أروح مع بابا.
مش هينفع يا حبيبتي واسمعي الكلام بقي.
أخذها زين ليجلس وهي جواره:
حبيبتي ارتاحي دلوقتي و هنخرج سوا بكره قلتي ايه.
بس أنا عايزه اروح معاك.
ليضع وجهها بين يده:
علشان اجيبلك ألعاب كتير و عروسه جميلة زيك قلتي ايه.
تحدثت بنبرة حزن شديدة:
يعنى هتيجي تانى صح مش هتسيبنى لوحدي أنا هستناك ولو مش جيت هزعل منك اوى ومش هكلمك تانى خالص خالص.
ليقبل جبينها و يجيبها بجدية:
اطمني هرجع تاني بس اسمعي كلام ماما وبلاش تزعل منك علشان أحبك ونخرج سوا.
لتقبله على وجهه رغم تعجبه و علياء أيضا:
حاضر يا بابا مش تتأخر عليا.
ليرحل و يتركهم صعدوا بعد ذلك لغرفهم أرادت معاقبتها لتجدها قد ذهبت في النوم نامت سريعا لتقرر التحدث معها بعد استيقاظها.
في القاهرة مساءا كانت فاطيما تودع جدها الذي أصر على الذهاب معها للمطار برفقة سمية وهناك أعين تراقبهم من بعيد و تتابع ما يحدث في صمت .. يجلس و يفكر فيما يحدث معه ليأتيه اتصال من رقم مجهول:
بدأ العد التنازلي الجاي مش سهل.
أجابه وهو ينظر للسماء:
خلاص مبقاش عندي اللي أخسره إيه المطلوب مني.
مش هينفع لازم نتقابل علشان أى غلطه هتكون الخسائر اكبر المره دى.
هتف بسخرية شديدة:
أتمنى نخلص فى أسرع وقت أنا مش هصبر على شفيق أكتر من كده شوفوا عاوزين مين يكمل معاكم.
ليغلق معه ويلقي هاتفه بإهمال جواره.
اتجه للشركة ليذهب لمكتب والده أولا ثم ينهي أعماله قبل الذهاب لاستقبال فاطيما جلس بهدوء ليتحدث والده بغموض وهو يراقب غضبه:
نزار تعالى ولا اقول زين.
تنهد ونظر لوالده باستنكار:
بابا لو سمحت بقي أنا تقريبا نسيت اسمى.
لينتبه لحزنه و غيظه:
معلش معلش بس مالك متعصب أوى كده ليه حصل حاجه ولا ايه وصحيح وصلت علياء وبنتها الفيلا.
ليتذكر لقائهم و يشرد قليلا طالما كان ناقما على معشر النساء بشكل خاص بسبب ما عاناه فى الماضي:
أيوه وصلتهم و حقيقي كل يوم بتأكد إن التعامل مع الستات أسوء شيء في الحياة.
يعلم جيدا أنه لن يستطيع تغيير نظرة ابنه بهذه السهولة فهو يحاول معه منذ عدة سنوات:
ليه بس كده حصل ايه وبعدين يا حبيبي مش كلهم زي بعض.
تحدث باستنكار و استهجان:
بتتعامل بعصبية و مفيش اى تقدير بتكلم معاها بهدوء و بحاول اكون هادي لكن ازاي حتي تعاملها مع بنتها.
ليحاول تهدأته لأنه يعلم أنه أصبح لا يثق في أي شخص بسهولة لكن علياء تعرضت لمواقف صعبه ويجب عليهم مساعدتها:
معلش اللى اتعرضت له صعب اوى وخصوصا قبل ما تيجي هنا واكيد يعني مكسوفه و متوتره ف اتصرفت بعصبية متحكمش عليها من أول تعامل.
ليقرر إنهاء الحديث فى هذا الأمر:
ولا أول تعامل ولا أخر تعامل انا علشان وعدت فريدة هروح أشوفها وأنا راجع ب فاطيما و هطلب منها أو ميرا يجيبوها أشوفها بره.
ليهتف سليم بمكر و ابتسامه:
يعني مش قابل الأم و حابب البنت لأ و وعدتها و هتروح لها مخصوص .. نزار بلاش عنادك ده صدقني يا ابنى مش كلهم واحد وبعدين لازم تهدى فى تعاملك معاها شويه لأنها مش جايه يوم يومين و ماشيه لأ دي قاعده هنا وفتره طويله مش عارفين هتقعد هنا لغاية امتى اتعامل معاها زي ميرا و فاطيما هاه.
ليجيب وهو يعود من ذكرياته بشوق و حنين:
هاه ايوه بعدين إسمها مميز و ملامحها هادية بعدين يفضل مش أتعامل معاها مش ذنبي يا بابا تقعد قد ايه أنا مش هتصاحب عليها.
ثم أكمل بحده بسبب إصرار سليم عليه فى التقرب من علياء و مساعدتها ليخبره والده بجدية و محاولا استعطافه من أجلهم:
نزار مش معقول كده اهدي شويه خلاص لا تتعامل معاها ولا تتعامل معاك بس ماتنساش إنها ضيفه هنا وفى حمايتنا يعنى اركن عقدك على جنب وفكر فى مشكلتنا و المهمه اللي إحنا فيها وهي حمايتها هي وبنتها أظن عارف إن شفيق مش هيسكت و هيفضل وراها لغاية لما يضرها و ياخد فريده فاهمني.
ليجيبه بهدوء وهو يقف كب يغادر لينهي أعماله:
حاضر يا بابا حاضر مطلوب مني حاجه تانية.
ليطلب منه أن يتابعهم طوال الوقت:
لأ بس ابقي اطمن عليهم كل شويه مفيش حاجه مضمونه لغاية لما أعرف اقنعها تقعد معانا أنا مش هعرف اركز طول ما هي بعيد لازم تبقي تحت عينينا علشان نعرف نأمنها كويس هي وبنتها.
نظر لوالده وتحدث بغيظ:
تحب أروح اقعد معاهم يعني بعدين الفلل جنب بعض أى حاجه هنعرف على طول.
حاول أن لا يضحك كي لا يغضبه أكثر:
ياريت اهدي كده بعدين بلاش عصبية مش معقول هي عملت معاك ايه وصلك لكده وبعدين مش هسيب حاجه للظروف.
وضع يده على رأسه بإرهاق فهو حقا متعب لم يستطع النوم ليجيبه ساخرا:
بابا كفاية بقى وابقى أسأل بنتك هتعطيك تقرير كامل أنا غلطان انى روحت استقبلهم.
ليقرر أن يخبره بسفره و يمازحه قليلا:
خلاص خلاص اهدي على العموم خلى بالك منهم كويس اوى على ما ارجع هسافر مصر بس بعد ما اطمن على عروستي أنها وصلت.