
اسمعيني كويس وبلاش خوف أولا المطلوب تكون حالتك النفسية كويسه العامل النفسي مهم.
استمعت لحديثه ويبدو عليها القلق والخوف ولم تفهم مايقصده:
حضرتك بتقول ايه يا دكتور انا مش فاهمه حاجه.
أردف بهدوء و تنهيدة:
قصدي يا انسه فاطيما أن قلبك تعبان ووزنك الزياده ده عامل إجهاد لعضلة القلب وده طبعا بيزود إجهاد على القلب.
تحدثت بقلق و توتر:
طيب والحل يا دكتور يعنى انا كدا حالتى خطر ولا ايه.
ابتسم لها الطبيب بود وقال لها وهو يطمائنها:
لا يا انسه فاطيما أنا مقصدتش انى أخوفك أو أقلقك كل الحكايه أحم أنا أسف على الكلام اللى هقوله لحضرتك.
أومأت هى له لكى يكمل حديثه.
أردف يكمل:
كل الحكايه إن وزنك الزياده عامل إجهاد للقلب وده سبب الالم اللى حسيتى به .. علشان الموضوع ما يتطورش لازم تتابعى مع دكتور تغذيه نظبط معاه طريقة اكلنا والوزن ينزل وكدا الأعراض اللى حسيتي بيها هتختفي واحده واحده كل ما الوزن يخف و طبعا هيكون فيه متابعة دورية كل شهر ولو حسيتي بأي تعب فى أى وقت رقمي معاكي و أهم شئ العامل النفسي ده هيساعدنا جدا فى العلاج.
أومأت له بتفهم لتغادر بعد ذلك أرادت الذهاب له و إخباره لكنها تراجعت لا تريد أن يغفر لها بسبب حالتها لتجلس فى أحد المقاهي.
كان يتابع عمله ليسمع رنين هاتفه رفض الرد فى البداية ظنا منه أن المتصل فاطيما لكن قرر الرد بعد أن قامت بالاتصال على هاتف الشركة ليسمع لصوت بكائها:
فريدة ضاعت مننا.
الفصل الثاني عشر
من ظلمني .. من حطم آمالي .. من خان عهد الهوى أنا أم أنت.. إليك الرد حين خذلتني لم يبقى لى سوى بقايا كرامتي فأخذتها لملمت بقايا كبريائي ثم غادرت.. ولكني أقسمت أن أجعل قلبي حجرا لن يهم الاشتياق فقط القسوة و التجلد والكبرياء.. التمست العذر لك مرارا ولكن أنت الذي لم تلتمس العذر لى صفحت لك أخطاءا ولكن لن أغفر بعد اليوم…….
ذهبوا معا لمدينة الألعاب و كانت فريدة سعيدة بسبب الأجواء لتلعب عدة ألعاب مع ميرا ليتجهوا ل علياء التى كانت تراقبهم من بعيد.
هتفت ميرا وهى تدغدغ فريدة بمرح:
عجبتك المدينة يا فريدة.
لتجيبها بطفولة فهي تريد اللعب بكل الألعاب:
أوي أوي يا طنط حلوه جدا عايزه اجي هنا كتير كتير.
أجابتها بمرح وهى تتابع شرود علياء:
كل إجازة هنيجي هنا سوا و هيكون معانا فاطيما .. إيه يا علياء ساكته يعني.
تنهدت وهى تنظر لابتسامة طفلتها:
لأ مفيش فرحانه بفرحة فريده أول مره أشوفها فرحانه كده من فتره شكرا جدا يا ميرا حقيقي مش عارفه أقول لكم إيه على اللى بتعملوه معايا أنا و فريدة.
أردفت فريدة وهى تشاهد النادل يحمل أيس كريم لأحد الأطفال:
ماما ماما عايزه اجيب آيس كريم من هناك.
أشارت لها كي تنهي ما تتناوله أولا:
حاضر يا حبيبتي خلصي اللى فى إيديك و اجبلك.
تحدثت بحب حقيقي:
انتم بقيتوا مننا خلاص و اطمنى فريدة هتكون مبسوطه معانا بعدين المفروض إننا أخوات ولا إيه.
أردفت بجدية وهى تبحث عن فريدة بخوف:
أكيد طبعا أخوات وفري .. ايه ده ف ف فين فريده فريده.
ميرا وهى تنظر حولها بحثا عنها:
راحت فين كانت هنا دلوقتي.
تهتف بصراخ وهي تبحث عنها:
مش عارفه مش عارفه فريدة فريدة.
أجابتها ميرا بخوف و قلق:
اهدي خلينا ندور بالراحه الاول هنلاقيها اطمني.
تحدثت بقلق وهى تبحث عنها:
هنلاقيها فين هنلاقيها فين بس بنتى راحت دي ماتعرفش حاجه وبتخاف لما تكون لوحدها ومش تلاقينى جنبها يعنى حتى مش هتعرف ترجع ولا تقول اي حاجه من خوفها راحت فين بس اه يا بنتى ااه أنا مش هقف لازم اتحرك.
بدأتا بالبحث عنها وحين فشلتا فى العثور عليها قررت الاتصال بشقيقها ليحضر إليهم.
أجابها بصدمه وهو يقف كي يغادر:
فى أيه و ازاى فريدة تاهت منكم.
أردفت بدموع و بكاء:
مش عارفه كنا بنتكلم وهي معانا وفجأة اختفت.
ليبحث عن مفاتيح سيارته ليذهب إليهم:
اختفت فين و ازاى مش فاهم حاجه انتم مش فى الفيلا.
أجابته وهى تبحث بين الأطفال عن فريدة:
هاه لأ مش ف الفيلا خرجنا احنا فى مدينة الألعاب.
أردف بصدمة و غضب فهو اليوم في حالة سيئة:
نعم خرجتوا أنا جاي حالا بلغي الأمن على ما اجي.
تحدثت بدموع خوفا أن تتعرض فريدة لأى أذى:
حاضر ماتتأخرش.
ليتجه للخارج ويقود سيارته بسرعة شديدة.
أكيد مين معاكي طيب.
أجابته وهى ترتجف من الخوف:
علياء ومشيت راحت تدور عليها مش عارفه راحت فين.
ليتحدث بسخرية و غيظ:
كمان حقيقي مش عارف أقولك إيه شوفي راحت فين على ما أوصل موبايلك ميتقفلش.
تحدثت بندم حقيقي فهي من اقترحت عليهم الذهاب وإن حدث لفريدة شيء لن تغفر لنفسها:
حاضر.
أغلقت معه وذهبت لتبحث عن علياء التي اختفت أيضا:
علياء انتى روحتي فين خوفتينى.
أردفت بدموع وهى تراقب الأطفال علها تجد ابنتها:
بدور علي بنتى طمنينى انتى بس لاقيتها.
تحدثت بهدوء وهما يسيران معا:
لا لسه أهدى أنا كلمت زين وجاي فى الطريق تعالي نبلغ الأمن.
تحدثت برفض و توتر:
روحي أنا هدور عليها تانى.
أردفت بجدية لأنها تعلم أنها خائفة على ابنتها:
بلاش عناد تعالي معايا ممكن نلاقيها و اطمنى هنا مش بيخرجوا أطفال لوحدهم.
هتفت بضياع و عدم تركيز وهما تتجهان لمكتب الأمن:
ط ط طيب يلا بسرعه.
اهدى وبلاش الخوف ده هنلاقيها.
وصلتا لمكتب الأمن وقامت ميرا بالإبلاغ عن اختفاء فريدة لتعطيهم المواصفات الخاصة بها و طلبوا صورة لها أيضا .. أخبروهم أنهم سيبدأوا بالبحث عنها كان الوقت يمر ببطء عليهم و يشعرون بالخوف وصل نزار في وقت قياسي وقام بالإتصال ب ميرا لتخبره عن المكان المتواجدين فيه.
اقترب منهم ليهتف بجدية:
ممكن أفهم إيه الحكاية وحصل إيه بالظبط.
