-جنى افتحي عيونك حبيبتي ، حاول قدر المستطاع السيطرة على نفسه هبط للأسفل سريعا متجهًا لسيارته، الحزن والألم حفر ثقوبا بقلبه خوفًا عليها ..تحرك سريعا للخارج، شعر بخفة وزنها رغم حملها، سبّ نفسه
-غبي ومتخلف، ايه اللي عملته دا، قالها يؤنب نفسه ..وصل إلى جراج سيارته
بدخول ياسين تجواره عاليا إلى منزله ..توقف ياسين فجأة حتى اصطدمت عاليا للأمام
ترجل مهرولا لأخيه، توقف أمامه
-جاسر مالها جنى، ابتعد عنه متجها لسيارته كالضائع الذي لايعلم بأي اتجاه يسير ، خطوات مبعثرة مثل خفقانه هشعر بزهق روحه
اقترب ياسين بعدما وجد حالته
-هاتها ياجاسر، وانت سوق، هقعدها جنب عاليا ..تراجع بجسده ينظر بكافة الاتجاهات كالذي ضل طريقه، وبدأ يتمتم بحروف كمن ضيع عقله ،
-أنا السبب..هذا حال لسانه وهو يتجه لسيارته، هرولت عاليا خلفه، تجذب كف ياسين
-واقف كدا ليه مش شايف حالته، شكل مراته بتتعب، عرفت انها حامل وشوف هدومه عليها أثر..هنا
فاق ياسين من صدمته يهز رأسه فهرول إليه ..وصل بتخبط لسيارته ..امسك كتفه ياسين محاولا السيطرة عليه
-جاسر هوصلك ممكن تهدى..
-جنى بتتعب ياياسين، أنا .تها،أنا .تها، .قالها صارخا يضمها بقوة لأحضانه
فتح ياسين الباب الخلفي، ليضعها بهدوء اولًا ثم يصعد بجوارها، قائلاً :
-سوق بسرعة على المستشفى
اومأ متفهما يشير لعاليا التي ، تطالع جاسر بحزنًا على حالته التي ابكت قلبها، كان لا يشعر بأحدا، سوى التي بين ذراعيه..انحنى يطبع قبلة على جبينها ويضمها لصدره بقوة
-جنجون قدامنا شوية ونوصل المستشفى ياقلبي، رفع رأسها يضع جبينه فوق جبينها هامسا لها
-جنى ..خرج اسمها من بين شفتيه محترقًا، بألم الفقدان، وعقله يصور له الكثير من السنيورهات ..وآه موجوعة بآلام روحه ..مردفا يئن بكلماته
-اوعي تتركيني ..كفاية عذاب فيا بقى، لسة ناقص تعملي ايه اكتر من كدا ..آسف ياروحي
قالها بشهقة بكاء مختنقة بدموع الوجع .
توقف ياسين أمام المشفى، ترجلت عاليا سريعًا تفتح باب السيارة ..تطالعه بصمت..نظر إلى مدخل المشفى، ثم إلى التي بين ذراعه كالجسد ..ضمها يهز رأسه رافضا الدخول
-جاسر لو خايف على مراتك لازم ندخلها هنا، ياله مراتك ممكن تتعب..بسط كفوفه
-هاتها اخدها..نظر إليه كالضائع الذي لا يفهم ماذا يقول …انحنى ياسين يجذبها بقوة من ذراعيه
-جاسر فوق ، جنى كدا هتتعب، قالها وهو يحملها بين ذراعيه متجها للداخل يصرخ بالمسعفين
-دكتورة نسا لو سمحتم ..قالها وهو يتحرك بها اتجاه غرفة الاستقبال.
..أما الآخر الذي مازال جالسًا بالسيارة ينظر لكفوفه الممتلئين بالأثر ودموعه تنساب بصمت، ينظر بزعر كالذي فقد عقله ..لا يستطيع التحرك وكأن جسده أصيب بشلل في خلايا جسده بالكامل من صدمته، وشحبت ملامحه
-استاذ جاسر..قالتها عاليا بهدوء، تبسط كفيها إليه
-انزل ياله علشان نلحق ياسين..نظر إليها بصمت كأنه لايعلم الحروف ولا الكلام..اتجهت ببصرها للداخل تنتظر ياسين، لا تعلم ماذا عليها فعله، أصابتها حالة من الحزن عليه، كيف تتركه بذاك الشكل..وقع بصرها على هاتف ياسين الذي يوجد بالسيارة..هرولت إليه تدعو الله بسريرتها يكون بلا باسورد
أمسكت الهاتف بكف مرتعش، حمدت ربها عندما فتح الهاتف..ابتسمت كالغريق الذي وحد ضالته وهي تبحث بين الارقام حيث وقع عيناها على اسم والده..قامت بمهاتفته دون تفكير
بحي الألفي
يجلس عز بجوار عمه
-بابا تعبان ياعمو، سيبه يرتاح شوية، صدقني هو شوية وهيرجع، حضرتك تايه عن صهيب الألفي ولا ايه
هز جواد رأسه مستنكرًا أفعال صهيب
-مزعلني اوي ياعز، متقعوتش منه كدا، داخلين على شهر وهو بعيد عن بيته، حاولت معاه معرفش ليه مُصر أنه يبعد..كلمه ياعز وبلغه زي ماهقولك كدا
قوله عمو بيقولك لو مرجعتش نهاية الأسبوع يبقى ينسى أنه له اخ اسمه جواد، مش كفاية سيف، يعني نبقى موجودين على وش الدنيا ومنعرفش عن بعض حاجة..أنا كلمت سيف وقولتله يصفي شغل تركيا، كفاية غربة كدا، خليه يعمل زي حازم، انتو مش
صغار علشان ألم فيكم
بتر حديثهم رنين هاتفه..زفر مختنق يشير للهاتف
-كفاية عليا المتهور دا، لا وجاي مفكر أبوه أهبل وهيصدق العبط اللي بيقوله
ابتسم عز عندما تذكر ياسين..فغمز لعمه
-مايمكن بيحبها فعلا ياابو الجود ، انت كنت دخلت قلبه
أغلق جواد الهاتف بوجهه
-بيتصل ليه المتخلف دا..قهقه عز يلطم كفوفه
❈-❈-❈
-ماترد عليه مايمكن عنده مشكله، قالها وهو يغمز بطرف عينه..دلف بيجاد يدخل رأسه من الباب
-حمايا طالب ايدي وأنا مش موافق..رمقه جواد بنظرة مشمئزة يشير إليه
-تعالى هنا ياجوز غنى ..تسمر بيجاد. بوقوفه يهتف بنبرة غاضبة :
-ليه شامم ريحة تريقة، اه جوز غنى محدش له حاجة عندي ..جذب المقعد وجلس يضع ساقًا فوق الأخرى يضرب على ساقيه
-سامعك حمايا الغيور..قاطعهم رنين هاتف جواد مرة أخرى
مسح على وجهه يشير للهاتف:
كفاية عليا ياسين الأيام دي، خليك خفيف يابيجاد مش ناقص غباوة منك، انا محسبتكش على موضوع جنى، اوعى تفكرني هعديها كدا، الظروف بس مش مساعداني
زفر بعدما تكرر رنين هاتفه مرة أخرى..رفعه قائلا:
-والحلوف دا كمان عايز ايه، قالي واخد مراته مشوار
غمر بيجاد قائلا:
