قصص وروايات

فاطمة من1-5

سمية وهي تنظر أمامها

قولتي إننا بنحب فاطيما وإنتي لا غلطانة

حاولت مقاطعتها لتكمل

أخلص كلامى وبعدين قولى اللي عندك .. والدتها رحلت وهي صغيرة عاشت مع والدها و أخوها جدك طلب منه يرجعوا يعيشيوا في مصر لكن رفض رغم محاولاتنا نقنع عمك إنه يتجوز واحده تانية لكن رفض قرر يعيش علشان ولاده كان بيرفض ينزل أجازات بسبب محاولات جدك معاه إنه يرتبط بعد مراته وقتها كان ضرورى أكون معاه علشان أهتم ب فاطيما تعرفي عمره في يوم ما زعلها وكانت مرتبطه بيه جدا لوقت ما بدأ يتعب كانت وقتها في الجامعة اتعرضت لتن مر كتير بسبب شكلها كان أخوها دايما معاها ورغم كده كانت دايما تنجح بامتياز علشان تثبت للكل إنها أذكى منهم كان دايما أخوها معاها و يدعمها لكن الحادثه اللي اتعرض لها ورحل فيها كانت السبب الأول في وجع عمك حالته اتدهورت أكتر موتهم كان ورا بعض ملحقتش تفوق يا سلمى تعبت جدا ومن صدمتها فقدت النطق لأن بعد أبوها و أخوها مبقاش لها أي حد أنا كنت معاها لكن للأسف وجود الأب والأم و الأخوات بيأثر كتير

كادت أن تقاطعها مره أخرى لتصمت بعدما أشارت لها

هتقولي إنتي كمان خسرتي والدك ووالدتك زيها هقولك أه لكن كان معاكي أخوكي كان دايما يدافع عنك لكن هي كانت تسكت لأنها خسرت الكل بقت يتيمه .. المهم بعد ما خلصت الجامعة صممت تكمل الماجيستير والدكتوراه وكانت رافضة ترجع مصر بسبب نظرة الناس ليها إذا كانت في لندن و بتتعرض للتن مر رأيك بقي هتبقي إزاى هنا لكن لما جدك تعب والدكتور منعه من السفر رجعت علشانه فاطيما مش جاية تنافس حد على حاجه هي حلمها كانت تعيش مع أشخاص بيحبوها لكن للأسف الكل رافض وجودها هسيبك لوحدك تفكرى شوية كام مره حاولت تقرب منك وكنتى بترفضي

تركتها وصعدت لرؤية والدها بينما عمر يقف بعيدا عنهم واتجه إليها بعد مغادرة عمتها

عند جسار كان يقف فى الخارج ويارا معه يتحدثون سويا

هتفت يارا بهدوء وقلق

حبيبي كده هنأجل الميعاد صح أظن مش صح نتجوز وجدك في المستشفى

جسار بإصرار وعناد

كل حاجه هتم في ميعادها جدى كلها يومين ويخرج متقلقيش أنا مجهز كل شيء

أثناء خروج فاطيما اقتربت يارا أكثر من جسار لكى تخبرها أنها لن تتركه لها أو لغيرها لتجد سمية أمامها ظل عزت يومان بالمشفى ولكن بعد ذلك أصر على الخروج وعاد للمنزل .. كان جسار يتابع العمل في الشركه ويعد نفسه للاستعداد لحفل زفافه .. بينما يارا كانت سعيده لأنها أخيرا ستحصل على ما تريد رغم اعتراض والدتها ولكن لم تستطع فعل شيء ..

كانت فاطيما تجلس في غرفتها و تصمم لفكرة جديدة لتجد سلمى أمامها بعد أن طرقت على الباب تنظر للغرفه وكأنها تشاهدها لأول مرة وهذه حقيقه فمنذ عودتها لم يكون بينهم أي حوار أو نقاش ظلت تشاهد تصاميمها لتخرج بهدوء تعجبت لها ولكن لم تشأ إزعاج نفسها أو التفكير فيها لقد قامت بحجز تذكرة سفر نهاية الأسبوع ..

اتجه جسار لغرفة سلمى وجدها ترتدي ثياب المنزل ليهتف بضيق

انتى ليه مجهزتيش نفسك هنتأخر

أجابته سلمي بتردد و قلق

جسار فكر تاني جدى لو عرف مش هيتحمل صدقني

سلمى معاكي ساعه بعد كده هنمشي يلا جهزى نفسك

خرج من غرفتها ليقوم بالاتصال بأحد الأرقام ليهتف بهدوء و جدية

وحشتوني أوى طمنيني حبيبتي أخبارها إيه

أجابته بهدوء و عتاب

إحنا كويسين اطمن و حبيبتك زعلانه منك علشان مش بتسأل عليها

هي معاكي عاوز أكلمها و أطمن عليها

هي فى الجنينة المهم طمني إيه الأخبار وصلت لايه

هتف بتوتر و تردد لانه يعلم أنها ضد زواجه من يارا أيضا

هشوفك قريب و نتكلم محتاج أشوفكم بجد

إنت عملت إيه أتكلم أتمنى مش تعمل اللي حذرتك منه

هتف بتنهيده و وجع وهو يشاهد فاطيما تجلس في الحديقة

مفيش قدامي غير الحل ده بلاش تتخلي عني إنتي كمان

هتفت بحده و ضيق

ليه مصمم تسلم رقبتك لشفيق مش كفاية اللي عشته بسببه بلاش الخطوه دى هتخسر الكل بعدين هتتجوزها إزاى من غير موافقة جدك فهمني

أغمض عينه عدة دقائق

الجواز هيتم النهارده و جدي مش هيعرف غير بعد كام يوم

لا إنت أكيد اتجننت إزاى عمر و سلمى موافقين على الجنان ده

إنتي عارفه كويس إني مش هتراجع عن أحلامي ولا طموحاتي

أها أحلامك قولت و ياتري إيه هي أحلامك إنك تاخد الشركة تعرف حاليا إنت مبقتش تفرق عن شفيق عندك الاستعداد تدوس على الكل مقابل الثروة و المال بقيت نسخه منه

إنتي مش فاهمه حاجه المفروض إنتي أكتر واحده عارفاني ده رأيك فيا بعد كل اللي عشناه سوا

علشان اللي بيتكلم معايا دلوقتي مش جسار اللي أعرفه من زمان ده واحد تاني شفيق ق تل أخوه علشان يسيطر على كل شيء و إنت ماشي على نفس الخطى

بجد شيفاني كده بعد كل اللي مرينا به سوا

أنا مبقتش شايفه حاجه للأسف أتمنى متندمش بعدين

أغلقت معه ليتنهد بحزن لا يعلم لمن يلجأ ليرسل رساله عبر هاتفه لأحد الأشخاص

بدأت اللعبة لكن الخسائر ليست سهله

ليغلق هاتفه و يغادر غرفته ليقف وهو يشاهد فاطيما متجهة لغرفة جدها خرج مسرعا ينتظر شقيقته و عمر في الخارج

كانت يارا تجلس برفقة والدها وأصدقائها ليخبرها والدها أن جسار قد حضر و ينتظرها بالاسفل بينما عمر كان غاضبا بسبب ما يحدث لقد تفاجأوا حينما وجدوا بعض رجال الأعمال وأيضا أصدقائها ليخبره شفيق أنه وافق أن تتزوج ابنته بدون علم جده ولكن يجب أن يخبروا أصدقائهم هبطت يارا للأسفل ليقترب منها ليطلب المأذون حضور العريس لإتمام عقد الزواج

شفيق بهدوء

لسه أهم ضيف موصلش ممكن نستني شويه

هتف جسار بتعجب

مين الضيف ده ياريت ننهى كل شيء بسرعه

وقبل أن يتحدث شفيق استمع لصوت يعرف صاحبه جيدا

أنا الضيف يا جسار !!

الفصل الرابع

ذكريات مؤلمة

لم أختر البعد عنك بإرادتي لكنه الصواب حتى نراجع أنفسنا لكني لن أعود مهما قتلني إشتياقي إليك لأنك من الان صفحة مطوية في دفتر ذكرياتي.

قبل الزفاف بيوم ذهب شفيق لرؤية عزت الذى تفاجئ بجوده وطلب أن يتحدث معه بدون وجود أحد لتغادر سمية وهي متوتره بسبب هذا اللقاء

هتف عزت بهدوء

ممكن تقول إيه سبب زيارتك أظن إنت أخر شخص ممكن أتعامل معاه

أجابه بغرور وثقه

للأسف بعد كده هنتقابل كتير و هتكون مرحب بوجودي كمان

عزت وهو ينظر له بغضب

الحلم من حق أي شخص لكن مش كل الأحلام بنقدر نحققها صح ولا غلطان

كلامك صحيح لكن حلمي كلها ٢٤ ساعة ويكون حقيقة زمان بعدت بيني وبين البنت اللي حبيتها وقتها وعدتك إني مش هسكت ومهما تفوت السنين هتعيش نفس اللي عيشته لما بنتى تعيش هنا وكمان تاخد الشركة منك

نظر له بعد فهم ليخرج له بطاقة دعوة الزفاف فتحها بتردد ولم يستطع التحدث لقد اختار جسار التحدي و عليه تحمل العواقب بدأت اللعبة والنتيجة لم تحسم بعد ليقوم بتمزيق الورقه أمامه .. ليعلم شفيق أنه نجح فى إثارة غضبه

ليهتف بسخرية و استفزاز

هكون مبسوط جدا لو حضرت الفرح

اللي بتحلم بيه مستحيل يتم و لو جسار مغمض عينه عن حقيقتك قريب هيفتحها و يشوف وقتها هيدوس عليك إنت بدأت اللعبه لكن النهاية ليا

هتف عزت بهذا الحديث وهو ينظر له بغضب ليتركه شفيق و يغادر غرفة المكتب

في الخارج تجلس فاطيما مع سمية التى يبدو عليها القلق

فاطيما بتردد

مين ده يا عمتو وليه التوتر ده

لا تعلم بم تجيبها أتخبرها أن هذا الشخص المسؤول عن تدمير أسرتها وهو أيضا من يريد تحطيم هذه الأسرة ظلت صامته ليجدوه أمامهم في الخارج .. نظر لهم بغرور ولكن نظرته ل فاطيما كانت غامضة لتقف سمية أمامها

سمية بحده و قلق من وجوده

أظن الزيارة انتهت ولا لك رأي

تاني

اقترب منهم ومازال يتابع فاطيما التى شعرت بالقلق والخوف من تلك النظرة

هتف شفيق بغموض

إنتي بنت فريدة مش كده

أجابته فاطيما بهدوء

أنا بنت مراد عزت ممكن أعرف إنت مين وعاوز إيه

هتف بنظرة تفحص وهو يقترب منها

نفس هدوءها و نظرة القلق اللي كنت بشوفها في عينيها .. أنا ووالدتك كنا بنحب بعض لكن والدك وجدك رفضوا خافوا حد يدخل وسطهم و يشاركهم في أملاكهم علشان كده فرقوا بينا و أجبروها تتجوز والدك

فاطيما بغضب وحدة

إنت كداب ماما محبتش في حياتها حد غير بابا وهو كمان حبها مش هسمح لأي شخص يشككني في علاقة بابا و ماما أو حبهم لبعض اتفضل من هنا و يفضل مانتقابلش مره تانيه

وجد عزت أمامه

أعتقد كفاية أوى لحد هنا وجودك مش مرحب بيه في أي وقت

شفيق وهو يتحدث بعدم انتباه

أنا راجع صدقوني وهحاسب الكل لكن للأسف مش هقدر أحاسب حفيدتك لأسباب إنت تعرفها لكن وجود يارا هيفرق كتير

نظر عزت لهم ليجد حفيدته تبكى صعدت سريعا لأعلى بعد ما سمعته من هذا الشخص الذى أخبرها والدها عنه لينظر له عزت بغضب ليغادر وهو يشعر بالانتصار ليجد سمية تنظر له بقلق و خوف بسبب هذه الزيارة ليصعد لغرفة فاطيما وهي خلفه ليقترب منها و يضمها تمسكت به بقوة و خوف

هتفت فاطيما بترجي و دموع

عاوزة أسافر يا جدي أنا ماليش مكان هنا الكل رافض وجودي

يعلم أنها مضطربه بعد حديث شفيق معها ولكن يجب عليه إبعادها في هذه الفترة حتي يعيد الأمور كما كانت

عزت وهو يبعدها ويمسح دموعها

إنتي عارفه إنه صعب أكون مطمن عليكي وإنتي بعيدة عني أسبوعين و هجهز لكى كل شئ

أنا مش عاوزه حاجه مش هخسر أكتر من اللي خسرته قبل كده

نظرت له بهدوء سترحل يكفي ما تعرضت له هذه الفترة معها عدة أيام قبل سفرها قررت أن تنتظر وإن حدث شيء أخر ستغادر ولن تطلب الإذن من أحد

اتجه عزت لغرفته وسمية خلفه ليعطيها الدعوة لم تتحدث ظلت صامته بعض الوقت

طلب منها أن تقوم بالاتصال ب عمر لتخبره أن يحضر لرؤيته

كلمي عمر قوليله يجي هنا من غير ما يعرف جسار أو سلمى

قامت بالاتصال به وأخبرته أن يحضر للقاء والدها دون إخبار أحد ليصل إليهم بعد فترة بسيطة

نظر لهم بهدوء ليهتف عزت بحده

ياترى هتتجوز إنت و سلمى بكره مع جسار

تحدث عمر بتردد

حضرتك عرفت منين

أجابه بحده وهو يضرب عصاه فى الأرض

دي مش إجابة سؤالي

عمر وهو يقف كالمعاقب

أنا رفضت لكن هو مصمم إننا نكتب الكتاب بكره معاه وقال لو رفضت هينهى العلاقه بينا

عزت بجدية

تمام اطلب منه بكره يكتب كتابه الأول

حرك رأسه بقبول

هو حضرتك هتعمل إيه

بكره هتعرف المهم جسار ميعرفش إني عرفت

عوده للوقت الحالي صدم جسار من وجود عزت ولكن لن يتراجع ليقترب منه بهدوء وهتف بخيبة أمل

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى