قصص وروايات

فاطمة من 10-12

أردفت بجدية وهى تضم وجه فريدة بين يدها:

فريدة ممكن أتكلم معاكي و متزعليش منى.

حركت رأسها بالموافقة لتكمل علياء حديثها وسط ترقبها لردة فعل فريدة:

بلاش تنادي زين بابا بعد كده لانه مش باباكى اسمعيني أنا هربت علشانك انتى بس وحياتي هعيشها ليكي فريدة زين مش بابا هما بيساعدونا مش أكتر بلاش يتضايق بسبب كلمة بابا دي.

لم تجبها بأي كلمة لتردف بهدوء:

فريدة مش عاوزاكي ترتبطي بحد و يسيبك بعد كده هتتعبي.

بس هو بيحبني و مش زعلني زي بابا جسار.

تحدثت بحزن لتضمها إليها:

جسار كمان مش بابا يا حبيبتي بابا موجود فى السما و شايفك دلوقتي قوليله عمو زين إيه رأيك.

لتستيقظ فريدة ونظرت للأرض بحزن شديد.

كانت فاطيما تتابع ما يحدث بين فريدة و نزار بتعجب شديد لتنتبه لسليم الذي اتجه إليها:

حبيبتي أخيرا رجعتي وحشتيني اوي اوى.

أردفت علياء بهدوء وجدية:

فريدة تعالى هنا يا حبيبتى.

قررت معرفة ما يحدث لاحقا فهي تشعر بإرهاق شديد بسبب السفر:

وحشتوني كلكم طمنوني عليكم إيه أخباركم و فين ميرا.

تحدث سليم بهدوء وهم يتجهون نحو الداخل ونزار يضمها بشده إليه ليجلسوا فى غرفة المعيشة:

وانتى كمان وحشتينا أوى يا حبيبتي.

هتفت ميرا بصراخ وهى تقترب منهم:

أنا جيت وحشتينى وحشتينى.

لتضمها بابتسامة وتحدثت بهدوء وبصوت منخفض:

لسه مجنونة زى ما انتي !!

نزار !! أنا مش فاهمه حاجه بابا ازاي !!

أردفت بتعجب لحديث فريدة مع نزار وهي تنظر له .. ليتحدث سليم بحماس وهو يتذكر الماضي قبل سفر فاطيما:

أيوه كده خلي الأيام الحلوه ترجع تاني.

هتفت علياء بهدوء و غيظ من ابنتها:

فري .. نزار ! نزار مين.

لتتعجب من الإسم الذي هتفت به فاطيما تشعر أن هناك شيئا غامضا خاصة علاقة زين ب فاطيما ولكن مهلا من نزار الإسم الذي هتفت به فاطيما بصوت هادئ:

تحدثت ميرا بمزاح وهى تختبئ خلفها مدعيه الخوف من نزار:

مفيش أحلى من الجنان المهم إنك رجعتي مفيش سفر تانى علشان أنا هنا لوحدي والدكتور معذبني معاه.

لتشاهد ما يحدث واهتمام نزار ب فريدة لتتأكد أن هناك أشياء كثيرة حدثت فى هذا الوقت القصير:

هيتجنن علينا سوا متقلقيش أيه حكاية بابا دي أنا غبت كتير ولا إيه.

تحدثت بمكر وهى تتابع تعجب فاطيما:

أه حاجات كتير حصلت كام ساعة لكن كلهم أحداث غريبة.

لا تعلم ما الذي يحدث لتتحدث وهي تنظر ل فاطيما:

طيب حمدالله على سلامتك يا فاطيما يلا يا فريدة نطلع ننام.

رفضت أن تذهب مع والدتها لتحرك رأسها برفض:

لأ يا ماما انا لسه صاحيه هقعد مع عمو زين.

قرر نزار الرحيل كي يستريحوا وأيضا انتبه لغضب علياء من ابنتها:

طيب يا فاطيما ارتاحي دلوقتي و هشوفك بكرة يلا يا بابا ولا إيه.

هتفت بتأثر شديد فهى بحاجه إليهم:

اقعدوا شوية وحشتوني عاوزه أشبع منكم.

أردفت فريدة بتذمر و حزن:

إيه ده هو انت هتمشي يا عمو !!

سليم وهو يتجه إليها و يضمها بهدوء:

ارتاحي دلوقتي و هشوفك بعد ما أرجع من مصر يلا يا ميرا.

تحدث نزار وهو يمسد على رأس فريدة:

هاجي تاني بكرة و نقعد سوا كتير قلتي ايه.

ميرا وهى تتجه لإحضار حقيبتها الصغيرة:

أنا كده كده قاعده معاكم مش هرجع معاهم خليني هنا دول بيقعدوا يضايقوني.

جلست على الكرسي لتضع يدها على وجهها:

لأ انت مش هتيجي تانى قولت الصبح هتيجي ومش جيت.

جلس جوارها وتحدث بهدوء وهو يقبلها على وجهها:

أنا جيت وانتى كنتى نايمة وجبت ليكي ألعاب كتير مش شوفتيهم.

تحدثت فاطيما وهى تتابع نزار بتعجب حقيقي:

هتقوليلي وانتى أكيد بريئة مغامراتك بتوصلني.

أردف سليم بجدية:

ميرا قررتي إيه يلا علشان فاطيما ترتاح مش يوم السهر النهارده.

لتعود إليهم وهى تتحدث:

انتى عارفه أنا مفيش فى برائتي .. خلاص يا بابي جايه اهو بس من بكره لينا كلام تانى أنا ما صدقت بقي في حد غيري هنا.

لتنظر فريدة حولها بحثا عن الألعاب:

لأ مش شوفتهم فين ده.

علياء وهى تمد يدها لها كي تذهب معها:

فريده تعالى يا حبيبتي نطلع وانا هفرجك على الحاجات يلا.

سليم بابتسامه لهم:

واضح هتعملوا حزب علينا.

أردفت فاطيما بجدية:

بابا كنت عاوزه اتكلم معاك.

تحدث ميرا بخبث:

مين إحنا لأ خالص يا بابي إنت عارف أنا بتاعة الكلام ده طيب ده مفيش أهدي منى ولا ايه.

سليم وهو ينظر ل فاطيما بتفهم لأنه يعلم ما تريد قوله:

حاضر يا حبيبتى بعد ما أرجع من السفر هنقعد ونتكلم علشان أنا كمان عايز أقعد و أتكلم معاكي في حاجات كتير عايز افهمها.

فريدة وهى تقترب من علياء لتأخذها لرؤية الألعاب:

ماشي يا ماما يلا بسرعه فرجينى.

نزار وهو يشير للباب كي تغادر:

طيب يلا يا ملاك علشان عندي شغل كتير بكره.

لتتجه مع والدها للخارج بعد أن ودعت علياء و فاطيما:

يلا بينا.

ليضم فاطيما ويقبل جبينها وعلياء تشاهد ما يحدث بتعجب لأنها تعلم جيدا أن فاطيما تحب جسار ف كيف سمحت له بضمها هكذا وتقبيل جبينها كيف سمحت له بلمسها وهي مازالت على اسم جسار إذن ما سر علاقتها ب زين لتتنهد بهدوء بعد مغادرتهم وأثناء صعودها توقفت بعد أن تحدثت فاطيما معها:

علياء استني أيه الحكاية.

أردفت بهدوء و استفهام:

هاه مفيش حاجة ليه بتسألي !!

لتردف بهدوء وهى تجلس على الكرسي:

من وقت ما وصلت ملاحظه إنك ساكته.

لتجلس علياء مقابلها و تهتف بجدية:

لأ عادي هقول إيه وكمان انا معرفش حد هنا غيرك ف علشان كده ساكته.

لتصمت عدة دقائق و تتحدث:

متأكدة أنا ملاحظه إنك ساكته لو فيه حاجه اتكلمي.

أردفت بجدية وهى تريد سؤالها عن علاقتها ب زين لكن لا تستطيع حاليا:

لأ مفيش اطمنى أنا بس علشان لسه مش أخدت على المكان والناس هنا.

لتتحدث معها بتفهم:

اطمنى كل شئ هيكون كويس متقلقيش أنا معاكي.

لتهتف بشكر وامتنان:

شكرا جدا يا فاطيما بجد على كل حاجه و أنا عارفه إنك عاوزه تقعدي معاهم هناك بس جيت عملت قلق ليكي قاعده معايا علشان مش أكون لوحدي بس عادى مفيهاش حاجه روحي أقعدي معاهم أنا مرتاحه هنا إنما انتى مش مرتاحه مش عايزه اتعبك معايا.

لتنظر لصورة تجمعها ب والديها وشقيقها وهم صغار:

انتى بتقولي أيه بالعكس أنا مش برتاح غير هنا ذكرياتي كلها هنا أنا بكون معاهم طول اليوم لكن الليل بكون هنا مع ذكرياتي والناس اللى وحشوني.

لتردف علياء بتأثر لأنها تعلم الألم الذي تشعر به فاطيما:

للأسف مشيوا بدرى اوى كلهم و بقينا لوحدنا بابا رغم انى زعلته زمان ب جوازى لكن مش سابنى لوحدي متأكدة لو كان موجود دلوقتي كان قدر يحمينى و ياخد حقي أنا حقيقي مكسوره أوى من غيره و اتكسرت اكتر بعد تخلى أقرب الناس عني وبقيت لوحدي دلوقتى هربانه و. خائفة مش عارفه حتى أنام دقيقة واحده من خوفي.

اقتربت منها لتتحدث بجدية:

انتى مش لوحدك كلنا معاكي متخافيش أبدا انسي اللى فات وفكري فى حياتك الجديدة تعرفي أنا مش لحقت أشبع من ماما و بابا مشيوا بسرعة أوى أصعب إحساس فى الدنيا إنك تكوني عاوزه تبكي و تتكلمي ومفيش حد يسمعك وجودهم أعظم شئ فى الحياة بس مضطرين نكمل علشان اللى بيحبونا.

أجابتها وهى تشاهد فريدة التي قامت بإحضار الألعاب واتجهت إليهم لتجلس على الأرض:

بس عندك جدك و عمتك وعمو سليم وأولاده بجد بيحبوكي أوى و جنبك على طول عكسي انا معنديش حد واللى كان كل حاجه عندي مشي و اتخلى عني علشان كده صعب أعيش حياه جديده والماضي ورايا عايزه بس أخلص من المشكله دي واخد بنتى وامشي وأحاول أعوضها بجد عن كل حاجه.

لتردف بتعب و عتاب:

تاني كلامك ده صدقيني مستحيل نتخلى عنك بعدين انتى هتكوني معانا فى الشركة و هنكون كلنا فريق واحد ومع بعض.

تعجبت من حديثها الأخير:

عارفه يا فاطيما إنكم مش هتتخلوا عني بس أنا مش عايزه اتعبكم أكتر معايا وبعدين إيه حكاية الشركه دي أنا معرفش حاجه في أمور الشركات و ماشتغلتش قبل كده لأنى اتجوزت بعد ما اتخرجت على طول.

لتردف بهدوء و تحذير لكن بمزاح:

أنا بقول بعد كلامك ده أكلم بابا سليم علشان يتفاهم معاكي بعدين ده قرار جدو ومفيش حد فينا يقدر يعترض وبالنسبه لشغلك اللي أعرفه إنك محامية يعني هتكوني مسؤوله عن الشؤون القانونية.

لتهتف باعتراض وهى تمسك يدها:

لالا لالا بلاش عمو سليم مقنع أوى بصراحه وبعدين هنشوف لسه يا عالم إيه اللى هيحصل وبعدين أنا مش عارفه حاجه عن الشغل والأجواء هناك هكون ازاى مسؤوله عن الشؤون القانونية طيب يعني هو انا خائفة بصراحه أبهدل الدنيا و ابوظها.

وعندك واحد مش بيتفاهم.

قالت اخر جملة بصوت هادئ لتدعي فاطيما أنها ستقوم ب الاتصال ب سليم:

كده عرفت مين اللى ممكن يقنعك بسهوله بالنسبه بقي لشغلك اطمني هتدربي فى البداية بعد كده هتستلمي الشؤون القانونية وأظن هتكوني مرتاحه مع المدرب بس قصدك مين اخر جملة.

أردفت بهروب و حذر:

هاه لأ مفيش تمام يا فاطيما هفكر فى موضوع الشغل ده و ربنا يستر.

لتتحدث وهى تحرك رأسها بتعب:

متقلقيش بقي كل شئ تحت السيطرة.

وقفت لتقترب من فريدة و هتفت:

على خير يا حبيبتي يلا علشان ترتاحي أكيد تعبانه من السفر.

لتنظر للساعة و تردف:

يلا علشان فعلا يوم طويل وأحداثه اكتر.

ليصعدوا معا وهي تحمل فريدة التى نامت جوار الألعاب:

فعلا يلا تصبحي على خير.

اتجهوا لغرفهم لتفرغ فاطيما حقيبتها أولا و أخذت حماما هادئا كي تشعر بالراحه قليلا .. عند علياء كانت تفكر فى أحداث اليوم هى لم تتوقع أبدا أن تترك مصر يوما ما لكن دائما يحدث عكس التوقعات لتفتح هاتفها وتنظر لصورة تجمعها مع جسار و عمر أرادت إرسال رساله له لتخبره بوصولها لكنها تراجعت هو تخلى عنها لتقرر عدم التفكير فى الماضي لتذهب سريعا لعالم الأحلام.

بعد وصول سليم و أولاده للفيلا صعدت ميرا أولا ليردف سليم بجدية شديدة:

نزار البنات مسؤوليتك حمايتهم فى غيابي يومين بالكتير هكون هنا علشان فيه تغييرات كتير هتحصل.

ليفهم نزار ماذا يريد منه والده:

أطمن يا بابا بس مش هتقولي برضه أيه سبب السفر.

سليم بتنهيده وهو يصعد لأعلى:

بعدين بلاش التسرع ده.

ليصعدوا معا وفى الصباح قام بتوصيل والده للمطار ثم اتجه لرؤية فاطيما للإطمئنان عليها قبل ذهابه للشركة دق الباب لتفتح له علياء ليهتف وهو ينظر حوله بحثا عنها:

صباح الخير هى فاطيما لسه نايمه.

لتردف بغيظ و تعجب شديد:

صباح النور أه نايمه عايز حاجه تحب اصحيها.

ليتجه للداخل ويتجه لأعلى:

هاه لأ خليكي أنا هشوفها متتعبيش نفسك.

نظرت له بغيظ لتقترب منه وتمنعه من الصعود لن تسمح له أن يتمادى أكثر من ذلك:

نعم تشوفها فين استنى هنا انت رايح فين.

ليردف ببرود و استهجان:

نعم ممكن أفهم ليه معترضه.

لتمسك ذراعه بغضب دون وعي منها:

هو إنت كمان بتسأل ممكن أفهم انت رايح فين فوق.

نظر ليدها ببرود ليبتعد عنها:

هشوف حبيبتي أظن مش من حقك انتى أو أى حد يتدخل و يمنعنى.

نعم حبيبتك حبيبتك مين دي ومين اللي مش من حقه يتدخل لأ حقي ونص كمان وبعدين عيب اوى انك تقول على واحده متجوزة حبيبتك لأ وعايز تطلعلها الاوضه كمان يا برودك بجد.

وقف مصدوما عدة دقائق:

نعم بتقولي أيه .. وايه معني كلامك ده.

لتتحدث بسخرية:

بقول واضح إن العيشه هنا ف لندن نسيتك إننا مسلمين بالاضافه لعاداتنا وتقاليدنا وإنه غلط أوي تقول كلمه زي دي على واحده متجوزه وعيب وحرام تطلعلها الاوضه.

يشعر أن الأرض تدور حوله هل خضعت لقلبها رغم كل ما تعرضت له ليهتف بغضب:

مين اللى متجوزة هاه !!

لتجيبه بحده وصوت مرتفع:

إنت بتزعق ليه وطى صوتك و هيكون مين يعنى فاطيما اللي قاعد تاخدها بالاحضان من امبارح وعايز تطلع لها الأوضة.

استيقظت فاطيما على الأصوات المرتفعه وخرجت لتشاهد ما يحدث بالأسفل لتقف على درجات السلم وهي تتابع غضب نزار الشديد.

ليصعد لها عدة درجات هتف وهو يجذبها من يدها:

الكلام ده صحيح اتكلمي ساكته ليه.

لم تستطع أن ترفع وجهها لمواجهته لتنظر للأرض و أردفت بترجي:

نزار أرجوك اسمعني.

ليهبط لأسفل ويتحدث بسخرية:

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى