قصص وروايات

فاطمة من 10-12

أسمع أيه هاه ازاى الكلام ده هى دي ثقتي فيكي.

هذه المرة استمعت لاسم نزار أكثر من مره ليثير فضولها رغم غيظها منه لتهتف بتعجب من حالتهم هذه:

هو في إيه يا فاطيما أنا مش فاهمه حاجه وبعدين هو زعلان أوى و متضايق كده ليه أظن إنه مجرد معرفه يعنى ابن عمو سليم وبس ولا في حاجه تانيه مين ده وايه علاقتك به.

أردفت بحزن وهى تشاهده يدور حول نفسه لا تعلم كيف تصلح ما حدث خاصة أن سليم ليس معهم:

ليه فتحتي الموضوع ده بعدين أنا و جسار العلاقه بينا منتهيه.

تنهدت بصدمه من حديث فاطيما:

موضوع إيه أنا مافتحتش حاجه هو عايز يطلع لك الأوضة و بيقول عليكى حبيبته و حضنك بدل المره اتنين قدامنا وبعدين حتى لو اللي بتقوليه صح ماتنسيش إنك لسه على ذمته.

تحدثت بصوت منخفض:

ذمته كفاية ارجوكي انتى مش عارفه حاجه بسبب اللى قولتيه خسرت أهم شخص في حياتي.

قرر المغادرة فهو لن ينتظر أكثر من ذلك لتحاول الذهاب خلفه وقامت بالنداء عليه كى لا يرحل:

نزار .. نزار استنى ارجوك.

وقف أمام سيارته ولم ينظر إليها كي لا يتأثر بدموعها:

استني إيه هاه .. يعني كنتى بتضحكي عليا الفترة اللى فاتت كذبتي عليا.

حاولت أن تقترب منه لتردف بدموع:

غصب عني صدقني غصب عني إنت مش عارف حصل إيه وخفت أقولك بس والله صدقني أنا كنت ناويه احكيلك بس كنت محتاجه شوية وقت محتاجه انسي اللى حصل علشان أعرف احكيلك.

ليجيبها بسخرية شديدة:

هتحكي امتى و هتقولي ايه هاه وياتري مين بقي العريس و ازاى وافق تسافري لوحدك غريبه.

وقفت جواره لتمسح دموعها بيدها وتقف أمامه كطفل مذنب:

نزار إنت بتقول إيه أرجوك اسمعني طيب على الأقل.

أردف باستهجان شديد:

أسمع أيه تاني خلاص دورى انتهى فى حياتك بعدين ممكن أعرف مين هو العريس.

حاولت التوسل إليه كي يستمع إليها:

نزار بليز اسمعني غصب عني إنت بتقول إيه بس إنت أهم واحد فى حياتى دورك انتهي ازاى بس بلاش كلامك ده علشان خاطرى اسمعني.

مازال على حالة غضبه:

مين هو كفاية هروب بقي ولا خائفه عليه.

أجابته بتوتر وخوف:

هاه يبقي هو هو هو ج ج جسار.

نظر لها بعد سماعه لاسم جسار ويقسم فى سره أنه إن رآه أمامه سيقوم بالقضاء عليه:

نعم انتى بتقولي مين مش ده جسار اللى كان بيهينك كل شوية و لا غلطان للدرجة دى كرامتك ملهاش قيمة عندك هانت عليكى نفسك اه معلش ما انتى بتحبيه أسف نسيت.

كانت علياء تراقب ما يحدث وبداخلها أسئلة كثيرة لكنها لا تستطيع التدخل ستعلم نوع العلاقة بينهم فيما بعد.

أردفت بتوسل كي لا يتركها ويرحل:

لأ لأ لأ والله مش زي ما انت فاكر اسمعنى طيب نزار لأ يا نزار استنى نزار نزاااااااار.

أردف وهو يفتح باب السيارة ليغادر لن يستطيع البقاء أكثر من ذلك:

الكلام بينا انتهي خليكي مع جسار هو مين نزار ده اللى بتتكلمي عنه نزار رحل من زمان.

لم يستمع لنداءها أو توسله هذه المره:

نزار لأ يا نزار لأ.

كانت ميرا تقف تتابع من بعيد فهى لا تستطيع التدخل بعد وصوله لأقصى مراحل غضبه.

جلست جوارها لتضمها بخوف عليها:

فاطيما فاطيما اهدي يا حبيبتي اهدي.

كانت تتحدث بضياع و وجع:

خسرته يا ميرا خلاص مش هيسامحني بس غصب عني مكنش فيه حل تاني.

هتفت بشفقه شديدة عليها:

أهدي طيب أكيد لأ هو بس متعصب هيهدى و يكلمك انتى أول مره يعنى تعرفيه ما إنتي عارفه لما بيتعصب مش بيشوف قدامه ولما يهدي هيرجع.

أجابتها بندم وقهر فهي من أجل إرضاء جدها خسرت نزار:

لأ المره دى لأ انتهيت.

حركت رأسها برفض وهي تضع يدها على وجهها:

لأ اسمعي منى اديله وقته بس و هيرجع يكلمك أنا متأكدة كفايه عياط هتتعبي كده اهدي ياحبيبتي.

حاولت الوقوف لكن عاد لها الألم مره أخرى لتقف بصعوبه وبدأت ترتجف:

أنا غلطت هو معاه حق بس كان غصب عني مقدرتش أرفض طلب جدي أنا محتاجة له أوي يا ميرا ماليش غيره.

ضمتها بحب وهي تحاول تهدأتها:

هيرجع يا حبيبتى هيرجع اسمعي منى انتى عارفه قيمتك عنده ايه.

تنفست بصعوبة بالغة لتتحدث بتعب:

أنا هخرج شوية عاوزه أكون لوحدي خليكي معاهم.

أرادت الذهاب معها كي تطمئن عليها:

هاجي معاكي مش هسيبك لوحدك.

أردفت فاطيما برفض و اعتراض:

لأ ماينفعش كلنا نمشي لازم حد مننا يكون معاهم.

تنهدت بحيرة وتوتر بسبب خوفها عليها:

ماشي يا حبيبتي ماتتأخريش بس.

لتسير للخارج وهى تجبيها:

مش هتأخر اطمني.

أردفت وهى تتابعها:

طيب ابقي طمنيني عليكى.

كانت علياء تشاهد ما يحدث لتجد ميرا تتجه إليها.

وصل سليم المطار ليجد السائق بانتظاره ليتجهوا مباشرة للفيلا لرؤية عزت و سمية لا ينكر أنه اشتاق لها طالما كان يحبها منذ وقت طويل لكنها كانت ترفض دائما بسبب ما يمرون به وجدها في انتظاره ليبتسم لها.

أردفت بهدوء و حب:

نورت مصر متوقعتش تيجي بسرعة كده.

تنهد ب اشتياق شديد لها:

منوره بيكي قصدى بناسها و بعدين عمى طلبني مقدرتش أتأخر عليه أكتر من كده وحشني أوى وكمان علشان نبدأ بقي نتحرك ونرجع اللى راح بعد ما اطمنا على البنات.

تحدثت بجدية لأنها تعلم أن وجود سليم فى مصر سيكون خلفه عواقب كثيرة للجميع:

هو إنت عارف بابا ناوي على إيه.

ليهتف بهروب من عينها لأنها لن تستسلم حتى تعلم ماذا سيحدث:

هاه لأ لسه هقعد معاه وافهم اكتر علشان أعرف اتحرك المهم طمنيني عليكى عامله إيه.

تعلم أنه يخفي عنها شيئا لتجيبه بحزن:

سليم بلاش تخبي عليا أنا أول مره أحس بالعجز .. هعمل إيه يعني فى الوقت ده أنا تعبت.

تحدث بجدية شديدة:

سلامتك من التعب لأ أنا عايزك هاديه خالص متقلقيش كل حاجه هتتحل وهترجع زي الاول اطمنى خالص عايزك قويه زي العاده ما اتعودتش عليكي ضعيفه كده.

أردفت بحزن شديد وعينها ممتلئة بالدموع:

إيه اللى هيرجع زي الأول العيلة اتفككت مبقاش فيها حد وأكيد مش هسمح ل فاطيما ترجع و تواجه جسار مرة تانية أنا اتأكدت اني فشلت فى تربيتهم.

وقف أمامها وتحدث بجدية شديدة لأنه يعلم أنها تقف فى المنتصف ولا تعلم ماذا تفعل:

متقوليش كده انتى ربتيهم أحسن تربيه جسار فى غفله و هيفوق منها و يرجع لعقله وبالنسبه لفاطيما اطمنى مش هترجع تانى هنا أظن وجودها هناك وسط حبايبها احسن لها وبالنسبه للعيلة المشكله دي تخلص هنجتمع تانى اطمنى و سبيها على ربنا وعليا ولا مش واثقه فيا.

أردفت بقلق وخوف عليها:

وياتري حبايبها موقفهم إيه لما يعرفوا اللى مخبيينه عنهم أنا مش قادرة أكلمه أو أواجهه للوقتي أنا وعدته أمنع حد يإذيها بس أنا شاركتهم ازاى هيتقبل جوازها من جسار إنت أكتر واحد عارفه لما ياخد موقف من حد بيكون ضده ازاى.

تنهد بإرهاق و تفكير ليجيبها:

بصراحه هى دي المشكله اللى بحضر لها ازاى أهدي الأجواء لما يعرف علشان كده جيت بعد ما فاطيما وصلت علشان أخلص وأرجع أعرفه و أفهمه علشان ميتعصبش و ياخد موقف يعنى محبتش امشي واسيب الأجواء بينهم متوتره قولت لما أرجع علشان عارف موقفه بس اطمنى هتكلم معاه.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى