قصص وروايات

خالد 1

خالد بشرود:اه لاحظت كده برده

فتحى :مش هاتدينى الدوا ولا ايه يادكتور

فى صباح اليوم التالى تجهزت فرحه للذهاب الى مدرستها كان والدها قد سافر الى احدى الدول الاجنبيه لانهاء بعض الاعمال الخاصه به اى ان فترة سفره ستكون بعيد عن اى مشاحنات بينهم انتظرت فرحه فتحى ولكنها وجدت خالد قادم بالسياره لاتعلم لما تسارعت دقات قلبها هكذا حين رأته.

صعدت فرحه بجواره فى المقعد الامامى القت التحيه على خالد

فرحه:عمو فتحى لسه تعبان

خالد:اه واخد دور شديد اوى ومش هاينفع يخرج فى البرد ده هو بلغ والدك انى هاوديكى واجيبك لحد مايخف والدك ماقالشى ليكى ولا ايه

فرحه:بابا سافر الصبح بدرى وماشفتوش

خالد:طيب انا هاوديكى وهاروح كليتى عندى سكشن وهاجى على طول ليكى

فرحه:هاتتأخر عليا

خالد:لا هاجى لك على طول

فرحه :ممكن تبقى تاخدنى اشوف عمو فتحى بعد المدرسه

خالد بتعجب:عادى يعنى مامتك مش هاتقول حاجه

فرحه:ماما لا بس لو بابا هنا مش هايرضى انا هاكلم ماما واعرفها

خالد:تمام

هاتفت فرحه والدتها وابلغتها انها تريد الذهاب لرؤية فتحى وافقت ميرفت فهى لاتريد ان تقهرها مثل والدها.

انتهى اليوم الدراسى وذهبت فرحه مع خالد الى منزلهم كان خالد قد ابلغ والدته لكى تعد طعام مناسب للضيفه القادمه.

فى منزل فتحى الرواى

التفت العائله حول مائدة الطعام وجلست معهم فرحه

فتحى :كلى يابنتى وماتكسفيش دا احنا زارنا النبى

فرحه باكل اهو ياعمو فتحى

كانت فرحه تتحدث مع افراد العائله بحب كم شعرت بالدفئ بينهم شعرت كأنها فى وسط عائله بحق احبت طريقة فتحى مع اولاده كانت تتمنى ان يكون لها عائله مثل تلك العائله كانت فرحه وخالد يتبادلون النظرات بين الحين والاخر وكأن عيونهم ترسل رسائل لقلوبهم فيجعلها تنبض بالحب والحياه.

الفصل الثانى والثالث

كعادة الاوقات الجميله تنتهى سريعا لتكون ومضة سعاده مددنا أيدينا وأقتطفناها من يد الزمان مر الوقت سريعا ودعت فرحه عائله خالد واصطحبها خالد لكى يقلها الى منزلها.

فى طريق العوده الى منزل فرح

كان خالد يقود السياره وفرحه بجواره كلاهما ينظر الى الاخر بصمت الى ان قطعت ذلك الصمت فرحه قائله:

-يابختك بعيلتك ياخالد بجد

نظر لها خالد بتعجب قائلا

-مش فاهم تقصدى ايه احنا عيله عاديه جدا ولا اوعى تكونى بتتريأى علينا

نفت فرحه برأسها يمينا ويسارا قائله

-لا والله ابدا دا انا حسيت فى بيتكم بحب ودفا اول مره احس بيه فى حياتى كل حاجه عندكم حلوة اهلك طيبين اوى على فكره

ابتسم لها خالد مداعبا

-قولى بقى ان محشى ماما أثر فيكى

ضحكت فرحه بملئ فمها قائله

-ااااه من محشى مامتك الله عليه بجد احنا مش بناكل محشى كتير على فكره والقرص دى كانت روعه

ابتسم خالد مصححا لها

-دى مش قرص دى حاجه اسمها كوماج ماما بتعمل على طول لنا منها للفطار بتبقى حلوة مع الجبنه والشاى

صمتت فرحة ونظرت امامها فى حزن

-ومش عاوزنى اقولك يابختك بعيلتك انتى ماتعرفش انا عايشه ازاى

أوقف خالد السياره ونظر لها قائلا

-لو حابه تفضفضى معايا بأى حاجه اعتبرينى صديق واحكى براحتك اسرارك فى بير

ابتسمت له فرحه برقه قائله

-طيب ممكن بكره بعد المدرسه نقعد نتكلم مع بعض لاننا أتأخرنا النهارده

أومأ لها خالد برأسه ثم عاود القياده قائلا

-حاضر ياستى اللى انتى عاوزاه انا معاكى العشر ايام دول

نظرت له فرحه بحزن قائله

-هو انا ماعدتش هاشوفك لما العشر ايام يخلصوا

نظر لها خالد بمكر كأنه يريد ان يحصل على اجابه معينه

-انتى عاوزانى تشوفينى تانى

ارتبكت فرحه من كلامه وأحمر وجهها خجلا قائله

-مش لسه قايل اعتبرك صديق ولا ايه غيرت رأيك

ابتسم خالد من خجلها معلقا بابتسامه

-تمام ياصديقتى هانشوف الموضوع ده بعد كده

انتهى الطريق ووصلت فرحه الى بيتها ولكنها ماان هبطت من السياره حتى عادت مره أخرى لخالد قائله:

-متشكره اوى اوى على اليوم الجميل ده مع السلامه

ابتسم لها خالد قائلا

مع السلامه خدى بالك من نفسك

عاد كل منهم الى بيته وجدت فرحه ان والدتها ليست بالمنزل من المؤكد انها بأحد مراكز التجميل فهى عاشقه لمثل تلك الاماكن نعم تحب ابنتها ولكن لاتشعر منها بأى اهتمام فالاهتمام لايطلب بل لابد ان ينبع من داخل الانسان.

عاد خالد الى منزله وجد جميع افراد عائلته بانتظاره كأنهم فى محاكمه وماان لبث خالد حتى بادره عمر اخوه قائلا

-بقى توصل البت يومين بس تيجبها بيتنا تالت يوم ياجدع

نظر له خالد بغضب قائلا

-انت غبى يالا كانت جايه تطمن على ابوك ماتقوله حاجه ياحاج خليه يسكت

ابتسم فتحى لوالديه

-بس ياواد ياعمر ماانت عارف اخوك عامل زى القطر ومش بيفكر فى الحاجات دى

ابتسمت عزه ووجهت كلامها لفتحى قائله

-يافتحى وفيها ايه لما يفكر ده حتى البت زى العسل وطيبه اوى وخالد دكتور اد الدنيا يشرف اى حد نخطبها له لما يخلص ويتوظف

خالد متنهدا من تلك العائله

-اوام ياام ياخالد ظبطت الحكايه وكمان دخلتى فى الخطوبه

عزة بابتسامه

-وماله ياحبيبى دا يبقى يوم السعد

نظر خالد اليهم جميعا قائلا

-ياجماعه البت دى غلبانه اوى لما عرفت ان بابا تعبان جات تطمن عليه شكلها اصلا مكسور كده على طول وحزينه

تنهد فتحى لابنه قائلا

-اه ياخالد يابنى ابوها مش بيبطل زعيق فيها على طول شايفها غلط وبتخاف من اقل حاجه كان نفسه فى ولد وربنا ما أدرش البت على طول بتنزل للمدرسه معيطه وساعات بيزعق لها ادامة كمان انا امها بقى مش فاضيه لها خالص من الجيم للنادى للكوافير وسايبه البت كده لوحدها الداده اقرب لها من امها

نظر خالد لوالده بحزن على حال تلك الرقيقه التى بدأت تأخذ مكان فى قلبه قائلا

-اتاريها ياعينى مبهوره من عليتنا وتقولى يابختكوا

نظرت عزة لخالد متسائله

-يعنى اتبسطت ياخالد عندنا بجد

ابتسم خالد لوالدته قائلا

-عجبها الكوماج بتاعك اوى كانت بتقول عليه قرص

ضحكت جميع افراد العائله الى ان قالت عزه

-ابقى خد معاك بكره لها كيس

خالد وهو ينهض من مكانه متجها الى غرفته

-حاضر ياست الكل هاقوم اذاكر بقى شويه

منذ تلك الليه قلب فرحه وخالد لم يعد كما كان من قبل وكأن رابط بدأ يجمع بينهم كلاهما ظل يفكر فى الاخر الى ان غفا فى نوم عميق.

فى صباح اليوم التالى تجهزت فرحه للذهاب الى المدرسه كما استعد خالد للذهاب الى فرحه سريعا وماان وصل الى منزلها حتى وجدها بانتظاره فى الخارج.

صعدت فرحه الى السياره بجوار خالد قائله بابتسامه

-صباح الخير ياخالد أتأخرت عليك

بادلها خالد الابتسامه قائلا

-لا ابدا مااتأخرتيش

انطلق خالد بالسياره نظر إلى فرحه قائلا

-جبتلك كوماج معايا النهارده وجبنه قديمه ماما اللى عاملاها

نظرت له فرحه وهى تستدير للكرسى الخلفى لتأخذ الحقيبه التى بها المأكولات قائله

-الله عليك ياخالد بجد شكرا

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى