قصص وروايات

خالد 1

لم تنتظر فرحه اجابة خالد وبدأت فى تناول الطعام فى شهيه كبيره نظر له خالد بابتسامه ثم أوقف السياره قائلا

-ادامك عشر دقايق تاكلى فيهم هاجيبلك كل يوم معايا وانا جاى

نظرت فرحه له بابتسامه ولم تجيب فهى كانت منشغله بطعامها

انتهت العشرة دقائق وبالفعل انهت فرحه طعامها وهنا نظرت لخالد قائله

-احلى فطار والله ميرسى بجد

ابتسم خالد لها ومن طفولتها قائلا

-كل يوم هابقى اجيبلك معايا بس انتى متعوده تنزلى من غير فطار دى خالتك عزه استحاله تخلينا ننزل من غير فطار الصبح.

نظرت له فرحه بصمت قائله

-عادى يعنى سوق بقى عشان مانتأخرش

شعر خالد بغصه فى قلبه هو شعر بحزنها أيكون أحزنها دون ان يقصد أكملوا طريقهم فى صمت الى ان وصلوا الى وجهتهم همت فرحه بالنزول ولكن أوقفها خالد قائلا

-على ميعادنا النهارده هانقعد ونتكلم

نظرت له فرحه بابتسامه

-النهارده بخلص بدرى لان اخر حصتين نشاط وبنمشى عادى تعالى لى على 12 كده وشوف هانقعد فين

ابتسم له خالد مداعبا

-ماتاكليش فى المدرسه كتير عشان هانتغدى سوا

بتسمت له فرحه

-موافقه بشده

ودعته فرحه وذهبت الى وجهتها وذهب خالد الى البيت سريعا لفعل شئ ما

ذهب خالد مسرعا الى منزله وجد والدته فى المطبخ دخل خالد مسرعا لوالدته قائلا

-ماما عندك مانع تعملى حلة محشى صغيره تكون جاهزه ع الظهر

نظرت له عزة بتعجب من حال ولدها

-فيه ايه ياخالد يابنى خير

اجابها خالد متنهدا

-اصل بصراحه واحد صاحبى عاوز ياكل محشى وانا وعدته هاجيب له النهارده ها عندك مانع عرفينى عشان اتصرف

اجابته عزة بفخر

-ومن امته امك عندها موانع ياابن عزة ساعة زمن وتكون جاهزه احلى حلة محشى انا عندى كل الطلبات وكمان هاعملك دكر بط جمب حلة المحشى

رفع خالد يد والدته لاعلى قائلا

-تعيش عزة ت تعيش ت تعيش ت تعيش

كانت تجهيزات الطعام فى بيت فتحى الرواى تجرى على قدم وساق وطبعا كان خالد يساعد والدته التى طلبت منه للتنحى ليوسع لها المجال لتكمل بمفردها ولكنه أبى تماما وصمم ان يساعدها فى كل شئ

تمت المهمه بنجاح قامت عزة بلف الطعام فى اوانى حراريه لحفظ الحراره به ووضعت بجانبه بعض المشهيات من الخضروات والمخللات والعصائر

ذهب خالد الى فرحه فى الميعاد انتظرها ولم تتأخر عليه أتت سريعا له جلست بجواره فى هدوء قائله

-انا مااكلتش حاجه زى ماانت قلت هاتودينا فين بقى

نظر لها خالد بجديه قائلا

-ادامك اد ايه وتروحى

نظرت له فرحه بابتسامتها المعهوده

-انا اتصلت على ماما وقلت لها انى هاخرج مع واحده صاحبتى وهاتأخر معاك طول اليوم يعنى

ابتسم خالد قائلا بدعابه

-صاحبتك ماشى المهم هانقضى اليوم سوا بصى ياستى انا اعرف حديقه على النيل جميله وهاديه انا متأكد ان المنظر هايعجبك اوى هناك

أومأت فرحه برأسها

-معاك النهارده ودينى مطرح ماتودينى

ابتسم لها خالد وانطلق الى تلك الحديقه التى يعرفها وبما انه فصل الشتاء فالحدائق فارغه ولايتردد الكثير عليها

وصل خالد بفرحه الى المكان المنشود قاموا بفرش فراش على الارض كان قد جلبه خالد وجلب خالد حقائب الطعام من السياره

قاموا سويا بتجهيز كل شئ وماان فتحت فرحه اوانى الطعام حتى شهقت

-محشى الله عليك بجد طب ازاى وامته

خالد بابتسامه من طفولتها

-حسيت انك بتحبيه وانتى كمان قلتى مش بتاكليه كتير خليت ماما تعمله

فرحه بامتنان لخالد

-انت عملت كل ده عشانى ولكن هنا طرأ لفرحه خاطر ما قالت سريعا

-مامتك عارفه انى معاك دلوقتى

طمأنها خالد بحنو

-انا مع صديق ما زى ماانتى مع صديقة ما

ضحكوا سويا وقاموا بتناول طعامهم كانوا يأكلون بشهيه ويروى كل منهم الاحاديث للاخر باستمتاع الى ان انتهوا من طعامهم

نظر خالد لفرحه متسائلا

-مش عاوزه تحكى لى حاجه كل اللى نفسك تقوليه قوليه ليه دايما بحس انك زعلانه وحزينه وساعات بتكونى بتعيطى

نظرت له فرحه بحزن متنهده

-هاقولك ايه بس ياخالد اقولك انى مش حاسه انى ليا اسره وعيله زى باقى الناس مااعرفش بابا بيعاملنى وحش جدا ساعات بحس انه بيكرهنى

نظر لها خالد بحزن قائلا

-بيأذيكى أى أذى

فرحه وهى تومأ رأسها بالنفى

-لا لا عمره ماعملها بس هايفرق ايه الزعيق من الأذى ياخالد انا مش بحس انهم بيخافوا عليا ماما اه بحس انها بتحبنى وبتخلينى اعمل اى حاجه انا عاوزاها بدليل النهارده عارف لو بابا موجود مش هايخلينى اخرج نهائى اطلع مع واحده صاحبتى زى باقى البنات

خالد وهو ينظر ليها فى عينيها قائلا بهدوء

-فرحه انتى ليه مش محجبه

فرحه وهى تنظر فى الارض بخجل

-والله ياخالد انا نفسى اتحجب بس ماما مش راضيه نهائى وبابا قالى بنات الناس الكلاس مش بيلبسوا طرح وكان الدين بقى شئ ثانوى بس والله انا بصلى ياخالد بس دايما حاسه بذنب انى مش محجبه

خالد وهو يضع اصبعه تحت ذقنها ليرفع رأسها له

-ماتبصيش فى الارض انتى مش وحشه ولا مذنبه هما هايشيلوا ذنبك عارفه انتى نضيفه اوى

هنا بدأ المطر فى الهطول فكونت الطبيعه لوحه جميله تناغم كل مافيها ليخرج صوره رائعه المطر يسقط هنا هب خالد من مكانه ومد يده لفرحه قائلا

-تحب تجرى فى المطر

نظرت فرحه ليد خالد ووضعت يدها فى يدها وقالت

-احب طبعا

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى