
سلمى بحذر فهي تعلم مدى تعلق جدها ب فاطيما
جدي فاطيما بنت جميلة و ذكيه بالعكس الكل بيحبها لكن مش ستايل جسار .. جسار رجل أعمال ودائما الصحافه بتابع أخباره تخيل إنهم يعرفوا إن فاطيما هتكون مراته توقع كم السخرية اللي هتشوفه من الكل
وقبل أن بجيبها وجدها تقف أمامه وكانت حزينة ويبدو عليها أثر البكاء
فاطيما وهي تنظر لجدها بتوسل بعد أن استمعت لحديث سلمى الأخير
أرجوك خليني أمشى من هنا جسار عمره ما حبني ومستحيل يحبني أنا بالنسبه له بنت عمه مش أكتر
هتف بغضب وتحدي
مفيش سفر سمعتي و هتروحى الشركه مع سلمى واللي هيعترض على قراري مالوش مكان هنا ولا في الشركه
طلب من الخادمه أنا تأخذ الحقيبه من فاطيما و تعيدها لغرفتها أمرها بالذهاب إلى الشركة برفقة سلمى على أن يلتقي بها بعد الانتهاء من موعده مع المحامي .. كانت خائفه من لقائه فى الشركه فهو دائما يتعمد اهانتها ويلقبها بالباندا .. علاقتها ب سلمي أيضا ليست بالجيدة لأنها كانت تعيش فى الخارج برفقة والديها ولكن بعد رحيلهم قرر الجد عودتها هو يريد أن يكون أحفاده معه ولكن لأحفاده رأي أخر خاصة جسار لأنه يعلم نوايا جده ..
في الشركة يجلس جسار يقرأ الأخبار ليجد عمر يجلس أمامه وينظر له بغضب
هتف جسار بحده لأنه يعلم طلبه
نعم !!
عمر بهدوء وترقب
عاوز أتجوز
هتف بجدية بعد أن فهم مقصده
أتجوز حد منعك البنات كتير جدا
عمر وهو يلقي القلم في وجهه
بتهزر حضرتك !! مين المسؤول عن اعتراض جدك إننا ننهي القصه !! كفاية صمم إننا نتجوز معاكم في الفيلا
وقف جسار ونظر للخارج
اللي جدى بيفكر فيه انسى إنه يتم أنا بحب يارا ومش هتجوز غيرها
أجابه بتفكير و ترقب
و هتتجوزها إزاى يا كابتن
ليجيبه بجدية و تنهيدة
والد يارا مسافر أول ما يرجع هطلب منه إني اتجوزها في الأول هنكتب الكتاب وتكون معايا في الفيلا وقتها جدى بنفسه اللي هيعمل لنا الفرح
ظل بضحك بشده لأنه يعلم أن القادم لكن يكون سهلا على الجميع وقد تحدث صراعات كثيرة ليهتف
أوقات بيعجبني ذكائك وتعتقد جدك هيقبل بسهوله تبقي غلطان
أجابه بتحدى و عناد
مش مهم أنا واثق من كلامي
عمر بقلق مما قد يحدث لاحقا خاصة أنه يلاحظ إصراره على تنفيذ رغبته دون أخذ رأي الآخرين بالاعتبار
بلاش عناد يا صاحبي
بعد ذلك اتجهوا معا لغرفة الاجتماعات للقاء عميل مهم .. وصلت سلمى وطلبت من فاطيما أن تنتظرها فى غرفة جسار لأنها متأخره رغم قلقها و توترها ولكن ليس أمامها حل آخر
جلست على كرسي مكتبه لتجد صوره له مع شقيقته و أخرى مع يارا لتندم على موافقتها على البقاء و الذهاب للشركة أيضا فتحت هاتفها لترسل رساله
أنا محتاجه لوجودك معايا أوي أطلب من جدي أسافر لندن
كادت أن ترسلها لكن تراجعت عدة دقائق لكن لن تخضع لقلبها أكثر من هذا ليس لها مكان في قلب من تحب تعلم أن هذا الحب قد ينهي حياتها لترسلها له بعد التفكير لعدة دقائق يجلس فى مكتبه ليسمع صوت رنة هاتفه ليفتحها مباشرة لم ينتظر انتهاء اجتماعه وبعد قرأته للرساله غادر لمكتبه ليلقي حاسوبه الشخصي على الطاوله ويقوم بالاتصال بها .. لم تتوقع أن يقوم بالاتصال بها لتجيبه بحزن و دموع
كلم جدي أنا مش هقدر استني أكتر من كده
هتف بضيق و وجع لأنه يتركها وحدها
إنتي معاكي جواز سفر إنجليزي مش محتاجه الإذن علشان تسافري تحبي اجي أخدك
أجابته بخوف و قلق
لأ إنت مجنون تيجي فين عمتو هتيجي النهارده هقولها تقنع جدي متفكرش تيجي هنا أبدا أنا ماليش غيرك
معاكي يومين بعد كده مش مسؤول عن اللي هعمله
خلاص من غير عصبية ممكن لو عمتو مقدرتش تقنعه هاجي أطمن يا حبيبي
أغلق معها لتطمئن لوجوده معها أنهى اجتماعه ليتجه لمكتبه لتقابله يارا ابتسم لها و صدم من رؤيتها أمامه ليهتف بغضب و حده
إنتى مين سمحلك تدخلى مكتبي اتكلمي
لا تعلم بم تجيبه يكفيها نظرة يارا لها نظرت للأرض لتهبط دموعها على وجهها
هتفت يارا بغرور و سخرية
اتفضل هتقعد تعيط كعادتها ونكون إحنا السبب
اقترب منها ليجذبها من يدها بعنف
اتكلمي كفاية تمثيل بقي عرفتي تضحكى على جدى لكن تبقي غلطانه لو توقعتي التمثيليه دى هتمشي معايا
ولكن قبل أن يجيب وجد سلمى أمامه
جسار !! هي معايا جدى طلب تيجي معايا علشان تستلم مكتبها هنا
ليهتف بغضب و صوت مرتفع
مكتب إيه الشركه دى شركتى ومش هقبل بوجودها هنا نظر لها اتفضلي بره ولو شوفتك مره تانيه هنا
هتندمي
أمر السائق بالاتجاه للمقابر لزيارة أبنائه للتحدث معهم كي يفرغ ما في قلبه عله يرتاح من الألم الذى يشعر به منذ رحيلهم عن الحياة دائما يقولون أن رحيل الأبناء يكسر ظهر الآباء وهذه حقيقة اعترف بها .. دائما يحاول الاستسلام لكن من حوله هم سبب الألم الذى يشعر به ولم يجد من يخبره جلس أمامهم ليهتف بحزن
مشيتوا بدري أوي محتاج لكم عارف لو كنتم موجودين جنبي دلوقتي أكيد هتقدروا تتعاملوا مع ولادكم .. عارف إن قراري الأخير غلط بس مفيش قدامي غير الحل ده أسف لكم لو كنتم معايا كنت ارتحت من العذاب ده كله
ليكمل بارهاق
سامحني يا مراد معرفتش أحافظ على أمانتك ليا بس أوعدك هرجع كل شيء زي زمان و أجمعهم كلهم من تاني
أفرغ ما في قلبه من حديث ليطلب من السائق أن يذهب للشركة
وصلت سمية للمطار لتجد إتصال تعجبت في البداية لتجيبه بهدوء وحاولت تهدئته فهي تعلم أنه غاضب بسبب ما يحدث ولكن بعد علمه بأمر الزواج ماذا سيفعل
في الشركة تدخل عمر منعا لحدوث أي خلافات جديدة ليهتف بهدوء
جسار كفاية بقي صوتك عالي الكل بيتفرج عليكم
ليجيب بغضب
الشركة دى أنا اللي كبرتها مش هسمح لأي شخص يشاركني فيها دى تعب سنين كتير .. إن حد يجي ياخد تعبي بسهوله اقضي عليه مين ما كان يكون
هتفت يارا بهدوء
أهدى يا حبيبي الكل عارف إنك الوريث الوحيد للمجموعه ومفيش حد هيقدر ياخد مكانك
نظرت سلمى لها بصدمة من حديثها هي لم تسلب حق ابنة عمها فقط بل هي أيضا انتظرت أن يتحدث شقيقها ولكن ظل صامتا .. كان جميع من في الشركة يتابعون ما يحدث بترقب خاصة في الفترة الأخيرة بسبب المناوشات التى تحدث بين جسار و جده الآن فقط تأكدت أنه ليس لها مكان نعم سترحل و تجمع الباقي من كرامتها لقد أخطأت حين ظنت أنه من الممكن أن يحدث علاقة بينهم
كانت غلطة إني جيت هنا فعلا أنتم الاتنين مناسبين جدا لبعض بس ياريت تكون عارف إن مش من حق أي شخص فينا يتحكم في الشركة مهما كانت مكانته فيها يا بشمهندس
كادت أن تغادر ولكن هتف صوت جعلهم جميعا يصمتوا
بتطرد مين من الشركه يا جسار خلاص اتجننت
الفصل الثاني
عقد زواج
بعض الحروف تبكيك .. ليس وجعا بل لأنها تلمس شيئا استوطن روحك
كادت أن تغادر ولكن هتف صوت جعلهم جميعا يصمتوا
بتطرد مين من الشركه يا جسار خلاص اتجننت
نظروا لها جميعا البعض بحزن والبعض بسعادة ولكن نظرتها مصوبه عليه اقتربت من فاطيما لتهدئها بينما نظرت ل جسار بعتاب شديد أخذت فاطيما وغادرت المكتب دون أن تتحدث مع أحد لتنظر سلمى بحزن لشقيقها هي أيضا غير موافقة على ارتباط جسار ب يارا لتغادر للقاء عمتها في مكتبها