
سمية بهدوء وهي تضم فاطيما
ممكن تهدى أوعدك حقك هيرجع والبيه بكره يندم
تحدثت فاطيما بدموع و توسل
عمتو أقنعى جدى إني أسافر مش عاوزة اتعذب أكتر من كده
لتجيبها بجدية فقد تأكدت الآن أن ما حدث لن يمر بسهولة
خليني أروح ارتاح ونتكلم بعدين مش بحب أشوف دموعك
دخلت سلمى عليهم واقتربت من سمية لتضمها بهدوء
مقولتيش إنك راجعه النهارده ياترى نهائي ولا هتسافري تاني
سمية بتفكير و جدية
لا إنتي عارفه الشركه هناك محتاجة حد مننا يكون فيها
هتفت فاطيما بتمني أن ترحل و تترك كل شيء لقد أيقنت أن لا وجود لها بينهم
أنا ممكن أسافر يا عمتو
نظرت لها بشفقة من مصيرها المجهول
القرار مش في ايدي جدك هو المسؤول
غادرت سمية برفقة فاطيما عائدين للمنزل .. وصل عزت وعلم بما حدث وغضب بشده من جسار ليق تحم مكتبه ويجد يارا تجلس على قدمه نظر لهما بسخرية ولم يتحدث بعد مغادرته
جسار وهو يبعد يارا عنه
نتقابل الليلة في النادي عندي اجتماعات كتير و مشغول
يارا وهى تقبله على وجهه
تمام يا حبيبي منتظراك
بعد مغادرتها اتجه لمكتب جده ليجده فارغ أخبرته السكرتيرة أنه غادر ليتأفف بضيق ظل طول اليوم يتابع أعمال الشركة برفقة شقيقته وعمر فى نهاية اليوم غادروا متجهين للمنزل
بعد وصولها بدلت ثيابها وجلست في غرفتها وكانت تكمل أحد التصاميم المطلوبه منها الليله ستترك المنزل وتغادر لمنزل والديها في ألمانيا بعيدا عن الجميع يكفيها ألما و عذابا
علم عزت بعد وصوله بعودة ابنته لقد طلب وجودها لتكون مع فاطيما لأنه يعلم جيدا أن جسار سيثور ويغضب كثيرا
طرقت مكتب والدها ونظرت له بهدوء اقتربت منه ليستقبلها بحب لم يعد له أبناء غيرها وخاصة أنها فتاة وحيده
جلسا معا و أخبرها بما فعله رغم اعتراضها لكن لن تستطيع فعل شيء
هتفت بهدوء و جدية
بابا أرجوك بلاش الخطوة دى فكر في الكل كده هيكون فيه عداوه جديدة بين جسار و فاطيما و هيفكر إنها مشاركه بموافقتها
ليضرب عصاه في الأرض لتصدر صوتا هادئا
يعني استنى لما شفيق يستولي على كل شيء نسيتي اللي مريتي به إنتي و بنت عمك بسببه
تنهدت بحزن لتتذكر أحداث مؤلمة مرت بها
طيب مفكرتش إن فيه شخص غير جسار هيرفض الموضوع
أنا خلاص نفذت مش هقبل أي اعتراض و اللي هيرفض مالوش مكان هنا
بس ياريت تتوقع رد فعل اللي بره لأنه أكيد هيرفض وممكن ينزل مصر من غير تفكير في أي شيء لأنه مش هيقبل إن فاطيما تتأذي
هتف بوجع و حزن بسبب ما يحدث
مش عاوزاها تعيش نفس وجعي يا بابا على الأقل إحنا كنا بنحب بعض بس كل شيء كان ضدنا لكن هي هتتعذب بالطريقة دى
قراري مش هيتغير و جسار لازم يفوق وإلا هيلاقيني قصاده
لم تستطع تغيير قرار والدها ولا تعلم ماذا تفعل لقد وعدته قبل عودتها أن تساعد فاطيما لكن يبدو أن الأمور ستسير عكس ما تريد لتغادر لغرفتها و داخلها خوفا كبيرا من القادم يبدو أن العاصفة ستكون قوية هذه المرة
أخبرت يارا جسار أن والدها قد عاد ليقرر الذهاب إليه لإنهاء هذا الموضوع وصل استقبلته و أخبرت والدها بقدومه وأنه يريد التحدث معه في أمر هام وبالفعل استقبله في غرفة المكتب
جسار بهدوء شديد
بصراحه يا عمى أنا بحب يارا وطالب إيدها من حضرتك
شفيق بغرور وثقة لأنه يعلم أن جده لا يوافق على هذه العلاقة
وهو اللي يروح يتقدم لبنت يروح لوحده
أجابه بجدية و تنهيدة بسبب ما يحدث
عمى إنت عارف كويس أنا مين في البلد
ليقاطعه شفيق بجدية و سخرية
عارف جدك كمان كويس لكن من الواضح إنك إنت اللي مش عارفه جسار إنت شاب كويس و أي بنت حلمها ترتبط بيه لكن بنتي مش قليلة علشان تتجوز بالطريقة دي .. عارف إن يارا بتحبك لكن أسف طلبك مرفوض يوم ما جدك يكون معاك ويطلبها بنفسه هوافق لكن غير كده مستحيل أقبل
جسار بغضب هذه أول مره يتحدث معه أحد بهذه الطريقة
أنا عندي شركة خاصة بيا وكمان ليا فيلا لوحدى يعني أظن مش هيأثر معاك موافقة جدى من رفضه أنا لو خرجت من هنا مش راجع تاني وحضرتك عارف شخصيتي كويس
هتف بتراجع و جدية
جسار أنا من حقى أخاف على بنتى افهمني
حماية بنتك مسؤوليتي قلت إيه !!
ظل صامتا عدة دقائق ليثير القلق لدى جسار ليهتف
تمام موافق كتب كتابكم الأسبوع الجاي
بعد ذلك خرج جسار ليجدها تنتظره في الحديقة اقتربت منه بقلق
طمني عملت إيه مع بابا
هتف بهدوء
اطمني كل شيء تمام كلها أسبوع ونكون سوا يارا عاوز منك طلب واحد بلاش احتكاك مع فاطيما .. أنا مش عارف جدي بيخطط لإيه خليني أفهم الأول هو بيفكر في إيه
ليغادر بعد ذلك اتجهت للداخل لتجد والدها يجلس في غرفة المكتب كادت أن تصعد لأعلى لكن تراجعت حين طلبت منها الخادمة أن تتجه إليه دقت الباب ليسمح لها بالدخول
هتف شفيق بجدية و تحذير
اسمعيني كويس أي غلط أو تجاوز منك مرفوض متنسيش مهمتك إيه من البداية
أجابته بتنهيدة و قلق من القادم
أطمن بس بلاش تنسي وعدك ليا بعد تنفيذ خطتك
جسار لعب مع الشخص الغلط هو متوقع لما يخفي حفيدتي مش هوصل لمكانها بس يغلط غلطة واحدة وقتها هيخسر كتير
تركته يفكر فى القادم لتتجه للخارج للقاء أصدقائها في الملهى الليلي
عاد جسار للفيلا وصعد لغرفته مباشرة لكى لا يحدث صدام بينه وبين جده ليجد سلمى أمامه نظرت له كثيرا
هتفت سلمى بجدية
إنت عارف كويس إني رافضه علاقتك ب فاطيما لكن مش معني كده إني هقبل علاقتك ب يارا إنت ليه عنيد
أجابها بهدوء وهو يجلس جوارها
أنا خلاص كلمت والد يارا واتفقنا كتب الكتاب الأسبوع الجاي أتمنى تكوني معايا في يوم زي ده
نظرت له بصدمه و قلق
إنت اتجننت صح جدى لو عرف مش هيسكت بلاش أنانية
جسار وهو ينظر لها
مش مهم أنا مش هعيش طول عمري أنفذ أوامر جدك وكمان هكلم عمر و تتجوزوا معانا
هتفت بضيق و رفض شديد
لا إنت أكيد مجنون وهتد مر الكل معاك أنا مش موافقه على الجنان ده
وقف أمامها ووضع وجهها بين يده
جدك مش هيغير قراره هو لو زعل هيزعل منى اسمعى كلامى خلينا نعيش حياتنا بطريقتنا
حركت رأسها برفض وغادرت وهي تشعر بالخوف من القادم لا تعلم نهاية هذه القصة
بعد تناولهم العشاء طلب عزت من جسار و فاطيما أن يتحدث معهم نظرت سمية لهم بتوتر .. كانت فاطيما غير منتبهه لما يحدث لا تفكر في شيء سوى الهروب من هذا المنزل الذى أصبحت تكرهه بشده بعد تناولهم الطعام اتجهوا للمكتب فضلت سمية الذهاب معهم حتى تهدأ الوضع
هتف عزت أولا بهدوء
الموقف اللي بنت عمك اتعرضت له في الشركة النهارده مرفوض أنا سكت علشان الموظفين بدأوا يلاحظوا الخلافات اللي بينا لكن إنك تتجاوز مع فاطيما مرفوض و ده التحذير الأخير
ليجيبه بسخرية و غضب
الشركة دي أنا المسؤول عنها و أنا اللي وصلتها للمستوى ده مش هقبل أي شخص يشاركني فيها
هتف عزت بغضب و تحذير
أنا لسه عايش يا جسار سامع الشركة ملك للكل بلاش تنسى نفسك في لحظه ممكن أسحب منك إدارة الشركة بلاش تتحداني هتخسر
ممكن أفهم حضرتك عاوز مني إيه
أخرج من درج مكتبه ورقه و أعطاها له و أيضا فاطيما أخذت نسخة أخرى كانوا ينظروا بصدمه للورق وأيضا لبعضهم
هتف بغضب و رفض
إنت عملت إيه و إزاي عملت كده كل ده علشان حفيدتك .. تمام اسمعني بقى و اسمعوني كلكم أنا هتجوز يارا و هتعيش معايا هنا و أي اعتراض
هبلغ عنك وعقد الجواز ده مش صحيح
كان يتابعه بصمت وهو متوقع ثورته تلك ليهتف بهدوء
لو رفضت تنسى الشركة و الفيلا تنساها من هنا و رايح أحفادي سلمى و فاطيما بس و الشركة هتتكتب باسمهم
جسار بتحدي و غضب
وقتها هرفع عليك قضية حجر
ليخرج من الغرفة ويجد شقيقته تقف أمامه وكانت تبكي حاولت منعه ولكن فشلت ليسير متجها للخارج
فى الداخل بعد رحيل جسار وقفت فاطيما غاضبة بسبب ما يحدث
أنا مش عاوزة الشركة ولا أي حاجه اسمحلي أسافر يا جدي لو بتحبني
تدخلت سمية لتهدئة الوضع
فاطيما اهدي إنتي عارفه جدك بيحبك و أكيد مش هيسمح لحد ياذيكي
هتفت بحزن شديد
هياذيني أكتر من كده إيه يا عمتى للأسف أنا کرهت المكان هنا مفيش حد بيفكر فيا كل واحد بيفكر في مصلحته جسار عاوز الشركة و مش مهم الباقي و جدي عاوز يمنع حفيده من الجواز من اللي بيحبها يبقى يستغلني علشان عارف إني بحب جسار طيب مفكرتش فيا ولا موقفي الكل هيقول إني كنت عارفه بالموضوع ده ليه رخصتنى كده يا جدي ليه بتعاقبني بالطريقة دي
كان يستمع لحديثها و يفكر هل أخطأ حقا فيما فعله
هل ستكون هى الضحية هذه المره
ليشعر بضيق تنفس ليسقط على الأرض
قبل مغادرة جسار و هو متجه لسيارته سمع صراخ سمية ليعود بسرعه ليجد جده مغشي عليه حاولوا إفاقته ولكن فشلوا ليطلبوا الإسعاف واتجهوا بعد ذلك للمستشفي .. جلست سمية و فاطيما و سلمى بانتظار خروج الطبيب بينما جسار يقف أمام غرفة العناية حضر إليهم عمر ووقف معه بعد مدة خرج الطبيب وأخبرهم بتعرضه لصدمة شديدة ويجب الإنتباه عليه خاصة بسبب تعب قلبه طلبت سمية الدخول إليه لتطمئن عليه وافق الطبيب ولكن أن لا تظل فترة طويلة
بعد دخولها نظر جسار ل فاطيما بحدة واقترب منها
اسمعيني كويس اللعبة اللي عملتيها مع جدك هتدفعي تمنها و إنتي بنفسك هتطلبي الطلاق
نظرت له بدموع وسارت لخارج المستشفى نظر عمر له بعتاب
كانت تشاهد الشوارع من زجاج السيارة و دموعها تهبط على وجهها لا تعلم لمن تلجأ في هذا الوقت نظرت للساعة لتجدها تجاوزت الثانية عشر قررت الاتصال بصديقتها لأن الساعة عندها العاشرة مساءا لتجيبها على الفور
فاطيما !!
كانت تبكي بقوه ليصل صوت بكائها لها
اتكلمي بعيطي ليه أنا هقول ل
قاطعتها بسرعة و حزن
لا أرجوكي لو عرف هيجي هنا أنا هسافر ألمانيا و مش عاوزة أي حد يعرف ممكن
هتفت بتعجب و قلق عليها
ممكن أفهم طيب و ليه رافضه تيجي هنا
عاوزة أكون لوحدي فترة و أعيد حساباتي عاوزه أقف على رجلي علشان أقدر أكمل
يبقي لازم نكون معاكي بلاش عناد
أجابتها بتنهيده
هشوف جدي بكره و هسافر أول ما أحس إني كويسه هكون في لندن
حاولت إقناعها أن تسافر لهم أن تذهب هي لها لكن رفضت عليها أن تكون قوية بدون مساعدة أحد حتى أقرب شخص لها
شاهدته يجلس في الحديقة مع والدها وقررت أن تخبره وهى تتوقع غضبه و ثورته بعد علمه ما يحدث
هتفت بقلق و توتر
ممكن أتكلم معاكم شوية مفيش غيركم ممكن يساعدها
نظرا لها بقلق فهما لا يعلمان من تقصد بحديثها لكنه علم أنها تقصد فاطيما لأنها لم تتحدث معه اليوم
ليهتف بجدية و حذر
اتكلمي إيه الحكاية إنتي تقصدي فاطيما
هتفت بحذر و تردد
فاطيما قالت هتسافر ألمانيا بكرة واضح إن في حاجه اتعرضت لها النهارده
لم يتحدث ليتركهم و يغادر و هو يحاول الاتصال بها ليجد هاتفها مغلق ليلقي هاتفه بغضب ليهبط لأسفل و يخبر و الده أنه سيسافر غدا للقاهرة
في الداخل اقتربت سمية من والدها وقبلت رأسه ليفتح عينه بضعف
عزت بضعف و ألم
خليكي مع فاطيما هي محتاجه لكي أنا عارف إني ظلمتها بس صدقيني لو رجع بيا الزمن مش هتردد لحظه أعيد نفس اللي عملته عارف إني غلطان بس دى الطريقة الوحيده علشان الكل يكون فى أمان بعيد عن غدر شفيق اللي راجع ينقذ اللي معرفش يعمله زمان هيكرره الوقتي مع جسار اللي للأسف ماشي فى طريق غلط
أجابت والدها بحزن و دموع
أهدى يا بابا وكل اللي عاوزه هعمله
خرجت لهم ونظرت حولها تبحث عن فاطيما ولكنها ليست موجودة نظرت لهم لتهتف بقلق
فين فاطيما !!
سلمى بتوتر خاصة بعد حديث شقيقها معها
خرجت بره يا عمتو
أجابتها بقلق و تعجب
إزاي خرجت لوحدها هي متعرفش حاجه هنا
لتبدأ بالبحث عنها هي وعمر أيضا ولكن لم يجدوها اقتربت من السائق وسألته عنها ليخبرها أنه لم يرها هو بالخارج منذ وصولهم لتنظر سمية بحزن للسماء ولا تعلم ماذا تفعل .. قامت أيضا بالاتصال بالفيلا لمعرفة إن كانت عادت أم لا لتكون الإجابة صادمة ظلوا طوال الليل يبحثوا عنها ولأول مرة يشعر جسار بالقلق عليها في الصباح انتقل عزت لغرفة عادية وكانوا معه ينظرون له بقلق بينما سمية تنظر للأرض
ليهتف بقلق بعد أن شعر أن هناك شيئا ما حدث
فين فاطيما !!
الفصل الثالث
حروف خرساء
هل تعلم ماذا يعني أن يكون الإنسان من الداخل مكتئب و متهشم ومن الخارج لا ينطق بكلمة واحده هل تعلم مدى الأذية هنا.
نظرت سمية له بقلق وخوف إن علم بإختفائها ستتدهور حالته مرة أخرى اقتربت منه و هتفت بتوتر
فاطيما في الفيلا يا بابا طلبت منها تروح ترتاح لأنها كانت خائفة عليك
يتابع توترهم وعلم أنهم يخفون عنه شيئا ما لا بد أن يعلمه
بعد خروجها طلبت من السائق أن لا يخبر أحد عن رؤيته لها وأحضر لها تاكسي ليقوم بتوصيلها و في هذا الوقت كانت سمية تحدث الخادمه تسألها عليها لتشير لها لتخبرها أنها لم تعد صعدت لغرفتها وبداخلها صراعا شديدا تريد الرحيل ولكن قررت الانتظار لحين استقرار حالة جدها وبعد ذلك ستغادر ولن تعود مرة أخرى لقد اكتفت من هذه الإهانات لم تنم هذه الليلة إلا لحظات قليلة لتستيقظ في الصباح وقررت الذهاب للمستشفى لرؤية جدها وبعد الاطمئنان عليه ستنهي كل شيء .
استيقظ في الصباح ليعد حقيبة سفر صغيرة بعد أن قام أمس بحجز تذكرة سفر لن يستمع لحديثهم مره أخرى كان عليه من البداية أن يمنع كل ما يحدث لكنهم رفضوا تدخله خوفا من القادم هبط ليجد والده و شقيقته يجلسون في الأسفل نظروا له بصدمة و تعجب
وقف والده تجاهه و هتف بهدوء
ممكن أفهم إيه اللي ناوي عليه أظن حقي أعرف
