قصص وروايات

خالد 3الاخير

توترت فرح من كلامه:

عاوزنى فى ايه؟
رأى خالد التوتر فى عينيها وأراد أن يتلاعب بها أكثر:

راجل عاوز مراته يبقى عاوز ايه؟
يعني أنا مش فاضية وبعدين احنا اتفقنا إنك تفضل بعيد عنى، عاوز ايه منى؟
دماغك حدفت بعيد ليه؟ أنا عاوزك تغسلى لى رجليا بمية وملح يازوجتى العزيزة.
الفصل الحادى والعشرون والثانى والعشرون ………………………………….

خالد بابتسامة ماكرة:

دماغك حدفت بعيد ليه؟ أنا عاوزك تغسلى لى رجليا بمية وملح يازوجتى العزيزة.
نظرت له فرح بصدمة:

نعم؟ بتقول ايه؟
ايه، هو عيب إن الست تغسل رجلين جوزها؟
لا مش عيب، بس تعمل كده عشان هي عاوزه تعمل عشان بتحبه.
اقترب خالد منها وقال بصوت هامس:

طيب ماانتى بتحبينى.
نظرت له فرح فى عينيه قائلة:

لا أنا مش بحبك.
خالد بهمس ومازال مقترباً:

لا بتحبينى زي مانا.
قاطعته فرح وابتعدت عنه بحدة قائلة:

أنا طالعة أنام لأنى تعبت.
طب ورجليا؟
اغسلهم لنفسك.
ابتسم خالد من كلامها، هو يحب أن يوترها ويخجلها. صعدت فرح إلى الأعلى واضعة يدها على قلبها، لقد زادت ضربات قلبها من قربه المفاجئ.

…………สะ.

كانت مي عند علية تكاد تغلى من الغيظ، هاتفت خالد وقالت له إنها تريده بشدة، ووافق خالد على الذهاب لها. صعد خالد إلى غرفة فرح ليخبرها أنه خارج، وجدها جالسة على الفراش:

أنا خارج، رايح عند خالتى، مى عوزانى.
براحتك انت حر، بتقولى ليه؟
يعني بحاول أعيش معاكى دور المتجوزين.
ماتحاولش، اعتبر إننا اتنين أغراب عن بعض مجبرين يستحملوا بعض.
ياروح ماطولك ياروح، أنا ماشى.
لو سمحت ممكن ماتعرفش خالتك إنى حكيت لك اللى حصل؟
اشمعنا؟
عشان هي قالتلى ماقولش ليك.
غريبة، بس حاضر.
………………………

فى بيت علية: دق خالد جرس الباب واستقبلته علية وكانت مي بالداخل:

إزيك ياخالتى؟ عاملة ايه؟
إزيك ياحبيبتى؟ وحشتنى أوى.
أمال مى فين؟
بتاخد شاور وهاتخرج، ايه نفسيتها تعبانة أوى ياخالد.
ليه، مالها؟
كان نفسها تبقى أم لكن إرادة ربنا فوق كل اعتبار.
أنا ممكن أتبنى لها طفل.
طيب وابنك؟ مش انتوا قلتوا إنها هتشارك فرح التربية؟
افرض فرح مارضيتش، هاعمل لها ايه؟
علمت علية أن فرح أخبرته ماحدث وكانت جاهزة بالخطة اللازمة لذلك:

يبقى صح الكلام اللى قالته ليا!
قالت ايه؟
قالت إنك زي الخاتم فى صباعها وإنها مش هاتسمح لبنتى إنها تلمس ابنها وهى مسافة الكام شهر دول وهاترمى بنتى فى الشارع، وقالت إنك ليها وبس وأن بنتى عاجزة ومش بتخلف وقالت…
هنا انقطعت عن الكلام وبدأت فى بكاء مصطنع تجيده جيداً، خالد بصدمة جليّة على وجهه:

قالت ايه ياخالتى؟ كملى!
قالت إنى أكرملى أطلق بنتى منك بدل ماانت ترميها فى الشارع، وقالتلى دورى لها من دلوقتي على عريس يكون عجوز أو واحد مراته ميتة تربيله ولاده. هو انت ممكن ترمى بنت خالتك فى الشارع ياخالد؟
خالد وهو ينهض من مكانه:

انتى تعرفى إنى ممكن أعمل كده ياخالتى؟ وبعدين هي ماقالتش ليا كده خالص.
قالتلك ايه يابنى؟
مش مهم قالت ايه، المهم ده كل اللى حصل ياخالتى.
اجيبلك مصحف أحلف عليه يابنى إن ده اللى حصل؟
لا ياخالتى أنا مش بقول عشان تحلفى، أنا هامشى ابقى سلمى لى على مى.
استنى هاتطلع اهى.
لا لازم أمشى بسرعة، افتكرت حاجة أعملها.
خرج خالد يكاد ينفجر مما حل به من كلام خالته، هل يمكن أن تكون خدعته إلى تلك الدرجة؟ هل لذلك طلبت منه أن لا يتحدث عما قالته؟ خرجت مي إلى أمها:

ايه؟ شكله هاينفجر.
قلت لك اصبرى بس.
دا انتى فظيعة ياماما.
أنا ماعنديش أغلى منك يامى، بعد ماأبوكى طلقنى ورمانى مش هاخليكى تعيشى زي ماأنا عشت، لازم تفرحى وتعيشى مع الرجل اللى بتحبيه.
مي وهي تحتضن والدتها:

أنا بحبك أوى ياماما.
وأنا ماليش غيرك انتى واخواتك ياحبيبتى.
…………………….

فى فيلا خالد وفرح: دلف خالد إلى البيت يسيطر عليه غضبه، هل يمكن أن تكون خدعته؟ هل يمكن أنها أرادت أن تحدث وقيعة بينه وبين خالته؟ هل وصل بها المكر إلى هذا الحد؟ صعد إلى الأعلى إلى غرفة فرح، كانت تقرأ كتاباً، دلف إلى الغرفة بعنف ونظر إليها بغضب.

ايه؟ داخل كده ليه؟
جذبها خالد بعنف من ذراعها حتى ينهضها من الفراش قائلاً:

انتى قلتى لخالتى ايه بالظبط؟
أنا حكيت ليك اللى هي قالته، أنا ماقلتش ليها حاجة.
أنا بجد مش مصدق إنك بقيتى كده! انتى إزاى تقولى لخالتى إنى هارمى بنتها فى الشارع وإنى هاطلقها لأنها عاجزة؟ ياشيخة اتقى الله حرام عليكى!
نزعت فرح يدها منه بقوة قائلة:

ياأخى حرام عليكوا بقى! حرام عليكوا ارحمونى! انت ايه اللى حصل حكيته، إنما اللى انت بتقوله ده ماحصلش.
يعني خالتى هاتكدب عليا؟
اه كدابة زيك بالظبط لما كدبت عليا وخدعتنى! أنا بكرهكوا كلكوا وانت بالذات بكرهك!
لم يستطع خالد أن يسيطر على نفسه، لم يشعر بنفسه سوى وهو يوجّه إليها ضربة قوية أدمت شفتيها وأوقعتها على الأرض. هو ليس كذلك، لا يحب الإيذاء، ولكنه كان غاضباً للغاية. وضعت فرح يدها على وجهها لا تصدق، وظلت ترتعش مكانها وتبكى. شعر خالد بغصة فى قلبه وتركها وهبط إلى الأسفل يستغفر الله مما حدث واضعاً رأسه بين يديه.

مضى القليل من الدقائق حتى وجد فرح أمامه وتمسك سكيناً فى يدها. خالد بذهول:

ايه اللى فى ايديكى ده؟
فرح وهي تعطى له السكين وتقول فى هدوء مخيف:

خد السكين هدى انهى حياتى بيها وماتخافش، دى ورقة بقول فيها إنى أقدمت على ده، اقطع حياتى وريحنى أنا ماعدتش عاوزه أعيش.
خالد وهو ينهض من مكانه:

فرح، ايه اللى بتقوليه ده؟ أنا أسف، ماكنش قصدى فعلاً بس انتى اللى وصلتينى لده.
جثت فرح على ركبتيها، هي تشعر أن قدميها قد تخذلانها وتقع، ورمت السكين بجوارها على الأرض والورقة التى كانت تمسكها وقالت:

أنا اللى وصلتك كده؟ أمال انت وصلتنى لايه؟ انت السبب فى كل اللى أنا وصلت له ده، انت السبب فى ضياعى! أنا حبيتك لحد ماضعت، ضحيت بنفسى عشانك وعشان مستقبلك! بابا لما عرف إننا على علاقة ببعض حبسنى فى البدروم وضربنى وقالى إنى لازم أتجوز غيرك، ماوافقتش واعترضت وقلت له انهى حياتى أحسن! فاكر لما قعدت يومين ماردش عليك وكانت بتوصلك رسايل منى؟ كان بابا اللى بيبعتها ليك مش أنا! تانى يوم ورانى صورك فى القسم مقبوض عليك وجمبك عساكر، فاكر اليوم ده؟ كان هو السبب ورا القبض عليك وقالى إن بكلمة منى وبموافقتى أعمل اللى هايقول عليه هايخليهم يمشوك، وافقت وقالى لازم أعمل اللى حصل فى حفلة الخطوبة لاما هايضيع مستقبلك!
كان خالد ينظر إليها بصدمة وحزن بادٍ على وجهه، خالد بأعين دامعة:

فرح، انتى بتقولى ايه؟
لو تفتكر لما بابا جه يمد ايده عليك فى الخطوبة وأنا منعته، ماسكتش وحاولت أخليه هو اللى يسيبنى وقلت له إنى بحب واحد تانى، بالعكس صمم واتجوزنا فعلاً، والحمدلله إنه كان عاجز لأنى ماكنتش بطيقه! حبسنى وماكنتش بمشى إلا بحراسة زي ماانت عملت وقالى اعتبرى نفسك فى سجن زي ماانت قلت أول يوم ليا معاك، مش هنساه! كان بياذينى وماكنش

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى