قصص وروايات

خالد 3الاخير

بيهون عليه يجى معايا المستشفى، لأ دا كان بيبعتنى مع الخدامين، ودى ماكنتش أول مرة، كل ماكان صوتى بيعلى أو أعترض كنت بأكل ضرب لحد ماجالى حالة نفسية وبقيت بيجيلى نوبات رعشة غير مفسرة. فى آخر مرة جالى دكتورة نفسية وحكيت لها كل حاجة وهى اللى وقفت جمبى لما عرفت أطلق، سجلت لى كلامى وإنى لو جرى لى حاجة هايكون هو السبب، وفعلاً هددته ونجحت وعرفت أطلق. سألتنى ليه قعدت ست سنين؟ طبعاً عشان أنا كنت بتنفس بحساب والكلمة بحساب! طبعاً انت فكرت إنى عشان الفلوس فضلت معاه، ماتعرفش إن فى الوقت اللى انت كنت بتنجح فيه وبتبنى مستقبلك واتجوزت وعشت، كنت أنا لسه بسدد تمن فاتورة المستقبل ده! فى الوقت اللى انت عشت حياة طبيعية مع زوجة بتحبك، كنت أنا بتحجز فى المستشفيات!
خالد ودموعه تجرى على وجنتيه دون إرادة منه:

فرح، كل ده حصلك؟ ليه ماقلتيش؟
انت ماادتنيش فرصة أقول! أنا صدقت إنك لسه بتحبنى لأنى أنا كمان عمرى مانسيتك، قلت أكيد شعورنا متبادل، وماقلتش بعد كده لأنى عرفت إنك بتنتقم منى وخفت ماتصدقش الكلام اللى خالتك قالته. أنا والله ماقلته! والله ماقلته! والله ماقلته!
خالد وهو يحاول أن يحتضنها ولكنها ابتعدت عنه بشدة:

أنا مصدقك والله يافرح، أنا بحبك صدقينى بحبك.
فرح بصوت باكٍ وهدوء مخيف:

أنا بكره كل اللى أذونى، كلكوا زي بعض، كلكوا أهانتونى وضربتونى، يزيد عليهم انت لأنى حبيتك وضحيت بعمرى عشانك. البيت الوحيد اللى حسيت فيه بالحب هو بيت أهلك، أنا خلاص ماعدتش عاوزه الحياة دى، أنا عاوزه أموت، أكيد ربنا هايعوضنى وهايسامحنى.
بهدوء التقطت فرح السكين التى بجوارها وجرحت يدها، الأمر لم يستغرق ثواني، اتسعت أعين خالد واقترب منها بلهفة:

فرح! ايه اللى عملتيه ده؟!
كان خالد يحاول أن يسيطر على النزيف، انتزع رابطة العنق التى كان يرتديها وربط بها الجرح فى محاولات من فرح أن تنزع يدها منه، وطلب خالد الإسعاف بسرعة. احتضنها خالد بحب وحنان يكاد يدخلها بين ضلوعه.

فرح بألم:

أرجوك سيبنى، بس ابقى ادعى إن ربنا يسامحنى.. هو أنا كده هاموت كافرة؟
مش هاتموتى، هاتعيشى وهاعوضك عن اللى حصل، أنا أسف والله أسفة، أنا بحبك، بحبك أوى سامحينى.
هنا زاغت أعين فرح، نظرت إلى خالد نظرة أخيرة وأغمضت عينيها. خالد بصراخ:

فرررح! فرح، فتحى يافرح!
الفصل الثانى والعشرون ……………………………

جاءت سيارة الإسعاف وتم نقل فرح إلى المشفى، لم يترك خالد يدها ولو لحظة. دخلت فرح غرفة الاستقبال وخالد ينتظر فى الخارج فى توتر وقلق، بعد برهة خرج الطبيب، خالد بلهفة:

عاملة ايه يادكتور؟ طمنى!
هي هاتدخل عمليات دلوقتي عشان الشريان فيه قطع، بس الأوتار كويسة.
فيه خطر عليها أو على الجنين؟
احنا عملنا سونار، الطفل كويس خالص والنبض كويس.
طيب وفرح؟ أهم حاجة عندى هي.
الحالة مستقرة إلى حد ما، بعد إذنك عشان أجهز للعملية.
دلفت فرح إلى غرفة العمليات الصغرى وبالفعل تم السيطرة على الجرح، خرجت فرح إلى غرفة عادية ولكنها كانت نائمة بسبب إعطائها جرعة من المنوم. جلس خالد بجوارها ودون إرادة منه بكى، يفكر فى كم الظلم الذى تعرضت إليه من جميع الأطراف، ولكن لماذا كذبت خالته عليه؟ يريد أن يعلم.

نظر خالد لوجه فرح الشاحب بشدة والجرح الذى فى جبهتها بالإضافة إلى جرح يدها، هو يرى حطام امرأة وهو السبب فى ذلك الحطام الذى وصلت إليه، شعر بغصة فى قلبه عليها، ماذا فعل بحبيبته؟

هاتف خالد والده ووالدته وأرسل لهما عنوان المشفى ليذهبا إليه، وبالفعل وصلا سريعاً. فتحى بقلق:

مالها فرح يابنى؟
خالد، انت معيط ياحبيبتى؟
قص خالد عليهما ماحدث بالتفصيل وما قالته فرح وما قالته علية. عزة:

أنا طول عمرى حاسة إن فرح مظلومة وبريئة.
ياحبيبتى يابنتى، دا انتى شفتى العذاب ألوان، حتى انت اللى مفروض بتحبها ذلتها!
أنا خائف يابابا أوى عليها وخائف ماتسامحنيش.
أنا قلت لك إنها غلبانة لأنى أنا اللى كنت بشوف اللى أبوها بيعمله فيها، وعلى فكرة اللى حصلها أكتر من اللى هي حكته ليك.
أنا قلت لك ياخالد إنها يوم الخطوبة ماكنتش طبيعية وبتكلم بطريقة غريبة مش طريقة واحدة فرحانة بخطوبتها، وانت هاجمتنى وقلت مش عاوز أسمع سيرتها!
أنا قسيت عليها أوى.
يابنى الأيام هاتداوى كل حاجة.
وخالتى ليه كدبت عليا؟
خالتك دى مش سهلة اسألنى أنا.
حرام عليك يافتحى، دى مهما كان اختى.
اختك على عينى وراسى، بس انتى طيبة أوى وهي استغفر الله.
هاتنكر كلام فرح؟
أهم حاجة فرح تقوم بالسلامة هي واللى فى بطنها.
بابا، أنا رايح مشوار خليكوا بالكوا من فرح.
رايح فين يابنى؟
لما أرجع هاحكى لكوا.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى